Gujarati News

ભારતની મહિલા ક્રિકેટર ઝુલન ગોસ્વામી પર બાયોપિક બનાવવાના રાઈટ્સ સોની પિકચર્સ ઈન્ટરનેશનલે ખરીદી લીધા છે. ભારતની આ પીઢ મહિલા ક્રિકેટર પર થોડા સમય પહેલા પોસ્ટલ ડિપાર્ટમેન્ટે ટપાલ - ટિકીટ બહાર પાડી હતી. ઝુલન ગોસ્વામીની જીંદગી અનેક પ્રકારની મુશ્કેલીઓ અને અડચણોથી ભરેલી હતી. એ છતાં તેણે હિંમત હાર્યા વિના એનો મુકાબલો કર્યો હતો અને આ સ્તરે પહોંચી છે. તે ભારતની લાખો મહિલા ક્રિકેટરો માટે આદર્શ અને પ્રેરણારૂપ છે. મહિલા ક્રિકેટર પર બાયોપીક બને એ પહેલો પ્રસંગ હશે, કારણ કે મહેન્દ્રસિંહ ધોની પર બાયોપીક અને સચિન તેન્ડુલકર પર ડોકયુ-ડ્રામા જેવી ફિલ્મ બની ચૂકી છે તથા આ ફિલ્મો બોકસ ઓફીસ પર સફળ પણ રહી છે.