Gujarati News

Gujarati News

News of Tuesday, 17th November 2020

બાંગ્લાદેશના દિગ્ગજ ઓલ રાઉન્ડર શાકિલ અલ હસનને જાનથી મારી નાંખવાની ધમકીઃ ફેસબુક એકાઉન્ટ ઉપર લાઇવ વિડીયોમાં અપશબ્દો કહ્યા

નવી દિલ્હીઃ આંતરરાષ્ટ્રીય ક્રિકેટ કાઉન્સિલ દ્વારા લગાવવામાં આવેલા પ્રતિબંધ બાદ વાપસી કરનાર બાંગ્લાદેશના દિગ્ગજ ઓલરાઉન્ડર શાકિબ અલ હસનને જાનથી મારી નાખવાની ધમકી મળી છે. ફેસબુક લાઇવ દરમિયાન બાંગ્લાદેશી ઓલરાઉન્ડરને આ ધમકી આપવામાં આવી છે. આ રીતે કોઈપણ બાંગ્લાદેશી ક્રિકેટરને ધમકી આપવાની આ પ્રથમ ઘટના છે.

મોહસિન તાલુકતાર નામના એક વ્યક્તિએ પોતાના ફેસબુક એકાઉન્ટ પર લાઇવ વીડિયો દરમિયાન શાકિબને જાનથી મારી નાખવાની ધમકી આપી છે. તેણે પોતાનો ગુસ્સો આ ક્રિકેટર પર કાઢ્યો અને આદરમિયાન ખુબ ખરાબ ભાષાનો પ્રયોગ કર્યો હતો. શાકિબને સોશિયલ મીડિયા પર અપશબ્દ કહેવાની સાથે જાનથી મારી નાખવાની ધમકી આપી છે. 

પોતાની ઓળખ જણાવતા મોહસિને કહ્યુ કે, જો તેણે આ ખેલાડીનો જીવ લેવા માટે ઢાકા જવુ પડે તો તે ત્યાં જઈ શકે છે. સોમવારે એકવાર ફરી લાઇવ કરતા આ વ્યક્તિએ શાકિબ અલ હસનને દેશની માફી માગવાનું કહ્યુ છે. 

મોહસિને વીડિયોમાં તે પણ સ્પષ્ટ કર્યુ કે તે આ વીડિયોને પોતાની મરજીથી બનાવી રહ્યો છે ન કોઈના દવાબમાં. એક બીજા વીડિયોમાં આ વ્યક્તિએ કહ્યુ કે, તે શાકિબને તક આપવા ઈચ્છે છે જેથી તે બાકી દેશના બધા સ્ટારની જેમ સાચા રસ્તે જાય. ફેસબુકને રિપોર્ટ કરવા સુધી આ વીડિયો ચાલતા રહ્યા ત્યારબાદ તેને હટાવી લેવામાં આવ્યા હતા. 

સિયાહેટના બીએમ અશરફ ઉલ્લાહ તાહેરે કહ્યુ, વીડિયોની લિંકને સાઇબર સેલને સોંપવામાં આવી છે. અમે વીડિયોને લઈને તત્કાલ તપાસ શરૂ કરી હતી. તેના વિરુદ્ધ કાર્યવાહી કરવામાં આવશે.

(3:56 pm IST)
  • હવે ભાજપની નજર કરૂણાનિધિના પુત્ર ઉપર મંડાઈ : આવતા વર્ર્ષે તામિલનાડુમાં વિધાનસભાની ચૂંટણીઓ આવી રહી છે ત્યારે તામિલનાડુનું રાજકારણ કબ્જે કરવા માટે ભારતીય જનતા પક્ષે તામિલનાડુના લોખંડી રાજપુરૂષ સ્વ. કરૂણાનિધિના પુત્ર અલાગીરી ઉપર નજર માંડી છે : અલાગીરી ટૂંક સમયમાં જ ચૂંટણી પહેલા નવો રાજકીય પક્ષ સ્થાપી રહ્યાનું જાણવા મળે છે : ભાજપ તેનો સાથ લઈ દક્ષિણના રાજયોમાં અડીંગો જમાવવા પૂરતો પ્રયાસ કરશે તેમ જાણવા મળે છે access_time 12:07 pm IST

  • નાનપણમાં રામાયણ અને મહાભારત સાંભળ્યા હતા: બરાક ઓબામા : અમેરિકાના પૂર્વ પ્રમુખ બરાક ઓબામાએ પોતાના નવા પુસ્તકમાં લખ્યું છે કે મારા બાળપણ ના કરશો હું રામાયણ અને મહાભારત સાંભળીને પસાર કર્યા હતા બરાક ઓબામાએ તેમના આત્મકથાનાત્મક પુસ્તક 'એ પ્રોમિસ્ડ લેન્ડ'માં આ વિગતો દર્શાવી છે. access_time 4:21 pm IST

  • અમદાવાદની અસારવા સીવીલમાં તમામ આઈસીયુ બેડ ફુલ : ફરી કોરોના વિસ્ફોટ થતાં અમદાવાદની અસારવા સિવિલ હોસ્પિટલમાં તમામ આઈસીયુ પથારીઓ ફુલ થઈ ગયાનું ઓડીશ્નલ મેડીકલ સુપ્રિટેન્ડેન્ટે જાહેર કર્યુ છે access_time 2:07 pm IST