Gujarati News

Gujarati News

News of Saturday, 17th November 2018

ઓસ્ટ્રેલિયાના પ્રવાસ માટે રવાના ભારતીય ટીમ

નવી દિલ્હી: ઓસ્ટ્રેલિયામાં પ્રથમ વખત ટેસ્ટ સિરીઝ જીતવાના ઈરાદાથી ભારતીય ક્રિકેટ ટીમ લાંબા પ્રવાસ માટે શુક્રવારે ઓસ્ટ્રેલિયન માટે રવાના થઈ ગઈ છે. ભારત અને ઓસ્ટ્રેલિયા વચ્ચે 4 ટેસ્ટ, 3 વનડે અને 3 ટી-20 મેચ રમવાની છે. ભારતીય ટીમના કેટલાક સભ્ય ટ્વિટર પર આ પ્રવાસને લઈને પોતાના વિચાર શેર કર્યા છે.ચાઈનામેન બોલર કૂલદીપ યાદવે ઓસ્ટ્રેલિયન પ્રવાસને ‘રોમાંચક પડકાર’ ગણાવ્યો છે. કુલદીપે લખ્યું, ‘રોમાંચક પડકારો રાહ જોઈ રહ્યાં છે ટીમ સાથે ઓસ્ટ્રેલિયા રવાના.’ તેમને વિકેટકિપર બેટ્સમેન ઋષભ પંત, ઓપનર રોહિત શર્મા અને અન્ય સાથે તસવીર શેર કરી. ફાસ્ટ બોલર જસપ્રીત બુમરાહે પોતાની તસવીર શેર કરતાં લખ્યું, ‘ઓસ્ટ્રેલિયા માટે રવાના’કેપ્ટન વિરાટ કોહલીએ રવાનગીથી પહેલા પ્રેસ કોન્ફ્ર્નસમાં ગુરૂવારે કહ્યું હતુ કે, બેટ્સમેનોને આ સિરીઝમાં શાનદાર પ્રદર્શન કરવું પડશે. મુખ્ય કોચ રવિ શાસ્ત્રીએ કહ્યું કે, વિશ્વકપથી પહેલા હવે માત્ર 13 મેચ રમવાની છે, તેથી વનડે ટીમમાં કોઈ મોટા ફેરફાર કરવામા આવશે નહી. ભારત પાસે ઓસ્ટ્રેલિયાને ટેસ્ટ સિરીઝમાં હરાવવાની સોનેરી તક છે. ઓસ્ટ્રેલિયાના બે મુખ્ય બેટ્સમેન સ્ટીવ સ્મિથ અને ડેવિડ વોર્નર બોલ ટેમ્પરિંગના મામલામા એક વર્ષનો પ્રતિબંધ ભોગવી રહ્યાં છે.

 

(5:35 pm IST)
  • ગોંડલમાં જીએસટીની ટીમો ત્રાટકી:શહેરના નવા માર્કેટ યાર્ડ,જેતપુર રોડ ત્રણખૂણીયા સહિતના વિસ્તારમાં અધિકારીઓએ જીએસટીની તપાસ હાથ ધરી:શહેરના વિવિધ વિસ્તારોમાં જીએસટીની તપાસને લઈને વેપારીઓમાં ફફડાટ access_time 4:31 pm IST

  • પંચમહા:ગોધરાના સારંગપુર જંગલમાંથી નવજાત બાળક મળી આવ્યું :ત્યજી દેવાયેલા જીવિત બાળકને 108 દ્વારા સિવિલ હોસ્પિટલ ખસેડવામાં આવ્યું :કોલ મળતા ગોધરાની 108 ટીમ ઘટના સ્થળે પહોંચી જતા નવજાત શિશુનો જીવ બચ્યો: પ્રાથમિક સારવાર બાદ બાળકની હાલત સ્થિર હોવાનું ફરજ પરના તબીબે જણાવ્યું access_time 10:00 pm IST

  • સુરતના પલસાણા ખાતે થયેલ હત્યાનો ભેદ ઉકેલાયો:પલસાણા જોળવા ગામે નંદલાલ ગુપ્તા નામના યુવકની થઇ હતી હત્યા: લોખંડના પાઇપ મારી કરવામાં આવી હતી હત્યા:SOG પોલીસે હત્યાના આરોપીઓને ઝડપી પાડ્યા:હત્યા કરનાર મુર્તકની પત્ની, પુત્ર અને સાળો જ નીકળ્યા:ન જેવી બાબતે ઝગડો થયાં બાદ દિવાળીના દિવસે નંદલાલ ગુપ્તાની કરાઈ હતી હત્યા:પોલીસે હત્યામાં સામેલ પત્નીની કરી ધરપકડ, જ્યારે પુત્ર અને સાળા ને વોન્ટેડ જાહેર કર્યા access_time 10:44 pm IST