Gujarati News

Gujarati News

News of Tuesday, 17th April 2018

સચિન મારા આદર્શઃ વિલિયમ્સન

દ્રવિડ અને લક્ષ્મણ જેવા ખેલાડીઓ ક્રિકેટ વિશે વાત કરવા હંમેશા તત્પર રહેતા : મહાન ખેલાડીઓ સાથે રમવાની મને તક મળી

ન્યુઝીલેન્ડની ક્રિકેટ ટીમના કેપ્ટન કેન વિલિયમસને કહ્યુ હતું કે સચિન તેન્ડુલકરને હું મારો આદર્શ ગણુ છું. ઘણા ભારતીય ક્રિકેટરો મારા ફેવરીટ રહ્યા છે. સચિન હું ન્યુઝીલેન્ડ માટે મારી પહેલી મેચ રમતી વખતે મળ્યો હતો. અમે એકબીજાની વિરૂદ્ધ રમી રહ્યા હતા. હું તેને સતત જોતો હતો કે તે શું કરી રહ્યો છે. આ એક બહુ જ સારો અનુભવ હતો. તે આ રમતનો મહાન ખેલાડી છે. દ્રવિડ અને લક્ષ્મણ જેવા ખેલાડીઓ ક્રિકેટ વિશે વાત કરવા માટે હંમેશા તૈયાર રહેતા. હું ત્યારે ૧૯-૨૦ વર્ષનો હતો અને મને મહાન ખેલાડીઓ સાથે રમવાનો અને તેમના વિશે જાણવાની તક મળી. વિલિયમ્સન અત્યારે આઈપીએલમાં હૈદ્રાબાદની ટીમની કેપ્ટન્સી કરી રહ્યો છે.(૩૭.૫)

(2:17 pm IST)
  • સુરતમાં બાળકીના રેપ & મર્ડર કેસમાં પોલીસને આંશિક સફળતા મળી હોય તેમ લાગી રહ્યું છે. આંધ્ર પ્રદેશના દંપતિએ આ 11 વર્ષની બાળકી પોતાની દીકરી હોવાનો દાવો કર્યો છે. જોકે પોલીસે ખાતરી માટે પિતાના અને બાળકીના DNA સેમ્પલ લઈને તપાસ માટે મોકલી દીધા છે. access_time 10:17 pm IST

  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • અમદાવાદના આંબાવાડી વિસ્તારના આંબેડકર નગરમાં મોડી રાત્રે યુવતીની છેડતી બાબતે જૂથ અથડામણને પગલે ભયનો માહોલ છવાઈ ગયો હતો. સામસામે આવી ગયેલા બે જૂથોએ વાહનોને આગ પણ ચાંપી દીધી હતી. ટોળાએ ફાયરબ્રિગેડ અને પોલીસ પર પણ પથ્થરમારો કર્યો હતો. જેમાં ફાયરબ્રિગેડનો એક કર્મચારી ઘાયલ થયો હતો. ટોળાને વિખેરવા માટે પોલીસને ટીયરગેસના સેલ છોડવા પડ્યા હતા. access_time 4:00 am IST