Gujarati News

Gujarati News

News of Monday, 16th December 2019

આઇસીસી વર્લ્‍ડ ટેસ્‍ટ ચેમ્‍પિયનશીપમાં મોટો બદલાવઃ પોઇન્‍ટ ટેબલમાં પાકિસ્‍તાન નામની સામે પહેલી વાર ઝીરો નહીં પરંતુ કેટલાક અંક દેખાતા ભારતને ફટકો

અમદાવાદ :દુનિયામાં આ અઠવાડિયામાં બે અલગ અલગ દેશોમાં ટેસ્ટ મેચ રમાઈ હતી. ઓસ્ટ્રેલિયાએ પર્થમાં રમાયેલ ડે-નાઈટ ટેસ્ટ મેચમાં ન્યૂઝીલેન્ડને 296 રનથી હરાવ્યું. તો રાવલપિંડીમાં હોસ્ટ પાકિસ્તાન અને શ્રીલંકાની વચ્ચેની ટેસ્ટ મેચ ડ્રો રહી. આ બંને મેચ એકસાથે જ આઈસીસી વર્લ્ડ ટેસ્ટ ચેમ્પિયનશિપમાં મોટા બદલાવ આવ્યો છે. ટોચ પર કબજો જમાવીને બેસેલ ભારતની બઢતમાં ઘટાડો થયો છે. તો પોઈન્ટ ટેબલમાં પાકિસ્તાનના નામની સામે પહેલીવાર ઝીરો નહિ, પણ કેટલાક અંક દેખાઈ રહ્યાં છે.

ઓસ્ટ્રેલિયાએ અહીં વાકા સ્ટેડિયમમાં રમાયેલ ટેસ્ટ મેચના ચોથા દિવસે રવિવાર (15 ડિસેમ્બર)ના રોજ ન્યૂઝીલેન્ડને કરારી મ્હાત આપી હતી. આ જીતથી તેને 40 અંક મળ્યા છે. હવે આઈસીસી ટેસ્ટ ચેમ્પિયનશિપમાં તેની 8 મેચોમાં 216 પોઈન્ટ થઈ ગયા છે. ભારતીય ટીમ સાત મેચોમાં સાત જીતની સાથે 360 અંકની સાથે ટોપ પર રહી છે. પર્થ ટેસ્ટ મેચથી પહેલા ભારત અને ઓસ્ટ્રિલિયાની વચ્ચે 184 અંકોનું અંતર હતુ, જે હવે ઘટીને 144 થઈ ગયું છે.

પાકિસ્તાન અને શ્રીલંકાની વચ્ચે પહેલી ટેસ્ટ મેચ ડ્રો થઈ. આ મેચના પહેલા ચાર દિવસ વરસાદમાં વિત્યા. પાંચમા અને છેલ્લા દિવસે રવિવારે આખી મેચ પૂરી થઈ. તેમાં પાકિસ્તાના આબિદ અલી તથા બાબર આઝમે સદી ફટકારી હતી. આ મેચના ડ્રો થવાની સાથે પાકિસ્તાન અને શ્રીલંકા બંનેને 20-20 અંક મળ્યા. આ રીતે ટેસ્ટ ચેમ્પિયનશિપ (WTC) માં પાકિસ્તાનનું ખાતુ ખૂલી ગયું છે. તેની ત્રણ મેચમાં 20 અંક થઈ ગયા છે.

ભારતીય ટીમ વર્લ્ડ ટેસ્ટ ચેમ્પિયનશિપ (World Test Championship) માં 360 અંકની સાથે ટોપ પર રહી છે. તેણે ચેમ્પિયનશિપમાં અત્યાર સુધી કુલ 7 મેચમાં જીત મેળવી છે. ભારત દુનિયામાં એકમાત્ર એવી ટીમ છે, જે ચેમ્પિયનશિપમાં એક પણ મેચ હારી નથી. ચેમ્પિયનશિપમાં હવે ઓસ્ટ્રેલિયા (216) બીજા અને શ્રીલંકા ત્રીજા સ્થાન પર પહોંચી ગયું છે. ન્યૂઝીલેન્ડ (60) ચોથા, ઈંગ્લેન્ડ (પાંચમા) અને પાકિસ્તાન (20) છઠ્ઠા સ્થાન પર છે. વેસ્ટ ઈન્ડીઝ, સાઉથ આફ્રિકા અને બાંગ્લાદેશનું ખાતુ ખૂલવાનું હજી બાકી છે.

(5:22 pm IST)
  • કેન્દ્ર સરકારે 35298 કરોડ રૂપિયાની રકમ GSTના લેણાં પેટે છૂટી કરી : રાજ્ય સરકારો તથા કેન્દ્ર શાષિત પ્રદેશોની માંગણીને વાચા : સેન્ટ્રલ બોર્ડ ઓફ ઈન્ડાયરેક્ટ ટેક્સીસે આપેલી માહિતી : 18 ડિસેમ્બરના રોજ મળનારી GST કાઉન્સિલ મીટીંગ પહેલા લેવાયેલો નિર્ણય access_time 8:20 pm IST

  • ગ્વાલિયર કલેક્ટરનો હુકમ: બંદુકનું લાયસન્સ જોઇએ તો ગૌશાળાને 10 ઘાબળા આપો: ગ્વાલિયર કલેક્ટર અનુરાગ ચૌધરીએ લાલ ટીપારા અને ગોલાનાં મંદિર સ્થિત ગૌશાળાનું નિરિક્ષણ કર્યું : નિરિક્ષણ દરમિયાન ગાયોની સ્થિતિને જોઇને તેમણે જીલ્લામાં બંદૂકનું લાયસન્સ માટે ગૌશાળાને ધાબળા અપાવવા આવો નિર્ણંય કર્યો access_time 12:28 am IST

  • અમદાવાદમાં મેટ્રો રેલના સળીયાની ચોરી કરતો એક યુવાન ઝડપાયો : બીજો ફરાર : મેટ્રો રેલની સાઇટ પર ફરી એક વખત ચોરીનો બનાવ બન્યો : સુપરવાઇઝર મનોજસિંઘ સ્ટાફ સાથે નાઇટ પેટ્રોલિંગમાં હતાં તે દરમિયાન પાલડી જલારામ મંદિર સામે એક યુવાન ચોરી કરતા ઝડપાયો access_time 12:28 am IST