Gujarati News

Gujarati News

News of Tuesday, 16th October 2018

વિરાટ કોહલીએ કર્યા પૃથ્વી શોના વખાણ

નવી દિલ્હી:વેસ્ટ ઇન્ડીઝ સામેની ટેસ્ટ સિરીઝથી ટીમ ઈન્ડિયામાં પોતાની કારકિર્દી શરૂ કરનારા યુવા ઓપનિંગ ખેલાડી પૃથ્વી શોના વખાણ ચારેતરફ થઈ રહ્યા છે. દરેક વ્યક્તિ તેના વખાણ કરે છે. ખાસ કરીને ખેલાડીનું મહત્ત્વ ત્યારે વધી જાય છે જ્યારે ટીમનો સુકાની તેના વખાણ કરે. તાજેતરની સિરીઝ પછી વિરાટ કોહલી પોતાના યુવા ઓપનર પૃથ્વી શો ઉપર આફરિન થઈ ગયો છે. તેણે જણાવ્યું કે, પૃથ્વીએ નાની ઉંમરે પણ મેચ્યોર ખેલાડી જેવી રમત દાખવી છે. તે જે ઉંમરે આવું રમે છે તે ઉંમરે અમે ૧૦ ટકા પણ રમી શકતા નહોતા.  કોહલીએ ઓસ્ટ્રેલિયા સામેની આગામી ટેસ્ટ સિરીઝમાં પૃથ્વીને અને બોલિંગમાં ઉમેશ યાદવને સ્થાન આપવાના સંકેત આપી દીધા છે. ભારતીય ટીમના સુકાની કોહલીએ જણાવ્યું કે, ૧૮-૧૯ વર્ષની ઉંમરે તે જે રીતે રમે છે તેના તો અમે ૧૦ ટકા પણ નહોતા. મને નથી લાગતું અમારા જેવા ખેલાડીઓ ઉંમરે તેનું દસ ટકા પણ રમી શકતા હતા. આવા નીડર અને મજબૂત ખેલાડીની ટીમમાં હાજરી ઘણી મહત્ત્વની પુરવાર થાય છે.

(4:59 pm IST)
  • શશી થરૂર ફરી વિવાદ સર્જે છેઃ કોઇપણ સારો હિન્દુ અયોધ્યામાં રામ મંદિરનું નિર્માણ નહિ ઇચ્છે access_time 4:23 pm IST

  • અંકલેશ્વરના સારંગપુર ગામના સરપંચ અને તલાટી 10 હજાર ની લાંચ લેતા એસીબીના હાથે ઝડપાયા :સરપંચ ગોપાલ વસાવા અને તલાટી દિનેશ પટેલ સારંગપુર ગામ પંચાયતમાં સ્ટ્રીટ લાઇનના બરોડાના સપ્લાયર પાસેથી બિલ પાસ કરવાના માગ્યા હતા10 હજાર:એસીબીએ છટકું ગોઠવી સરપંચ અને તલાટીને ઝડપી પાડી કાયદેસર ની કાર્યવાહી હાથ ધરી access_time 1:15 am IST

  • બધી શકિતઓના સમન્વયથી ભારત વિશ્વગુરૂ બની શકશે : ભૈયાજી જોષી : મુંબઇમાં ભારત વિકાસ પરીષદ અને સમસ્ત મહાજન દ્વારા 'રાષ્ટ્ર નિર્માણમાં સમૃધ્ધ વર્ગની રચનાત્મક ભૂમિકા' વિષય પર યોજાઇ વિચાર ગોષ્ઠી : ૧૦૦૦ શ્રેષ્ઠીઓની ઉપસ્થિતી : આર.એસ.એસ. સરકાર્યવાહક ભૈયાજી જોષી અને ભારત વિકાસ પરિષદના રાષ્ટ્રીય અધ્યક્ષ ડો. સુરેશચંદ્ર તથા ઉપાધ્યક્ષ શ્યામ શર્માનું ધારદાર વકતવ્ય access_time 3:36 pm IST