Gujarati News

Gujarati News

News of Sunday, 16th June 2019

ભારત-પાકિસ્તાન મેચ પર હજારો કરોડનો સટ્ટો રહેશે

મેચને લઈ પાંચ સ્તર ઉપર સટ્ટો રમાઈ ગયો : ટોસ, પ્રથમ બેટિંગ અને રન બનાવવા તથા જીત હારના મુદ્દા પર મોટા પાયે સટ્ટો : મેચ પહેલા સટ્ટોડિયા સક્રિય

અમદાવાદ,તા. ૧૬ : દેશભરમાં મેચને લઈને આજે હજારો કરોડનો સટ્ટો ખેલાયો હોવાના અહેવાલ મળ્યા છે. રવિવારના દિવસે મેચ હોવાથી વધારે રોમાંચની સ્થિતિ રહી હતી. સટ્ટાબજારના સુત્રોના કહેવા મુજબ આ મેચ ઉપર પાંચ સ્તર ઉપર સટ્ટો લગાડવામાં આવ્યો હતો. જેમાં મેચમાં જીત હાર, ટોસ, પહેલા બેટિંગ અને રન બનાવવાના લઈને સટ્ટો લાગ્યો હતો. દિલ્હી અને એનસીઆરમાં બે થી ત્રણ હજાર કરોડ રૂપિયાનો સટ્ટો લાગ્યો હતો. જોકે, મેચ શરૂ થતા પહેલા જ રેટમાં ફેરફાર થયા હતા. વિશ્વ કપના હાઈ પ્રોફાઇલ મેચને લઈને ચાર દિવસથી સટ્ટા બજાર સક્રિય છે. ભારતની જીત ઉપર ૧-૬નો અને પાકિસ્તાનની જીત ઉપર ૧-૮નો ભાવ બોલાયો હતો. શનિવારે આ ભાવ ૧-૩ અને ૧-૨૦ થયો હતો. હાર જીત ઉપરાંત ટોપ ઉપર પણ સટ્ટો ખેલાયો હતો. વરસાદ હોવા અને ન હોવા ને લઈને પણ સટ્ટો રમાયો હતો. વરસાદ થવાની સ્થિતિમાં મેચ રદ્દ થાય તો તેને લઈને પણ સટ્ટાની સ્થિતિ રહી હતી. સટ્ટા બજાર નુકસાન થવાના મામલામાં વિશ્વાસ કરતા નથી. ઓસ્ટ્રેલિયાની જીત બાદ ભારતના રેટિંગમાં સુધારો થયો છે અમે માનવામાં આવે છે કે, ભારત પાકિસ્તાન ઉપર મોટા અંતરથી જીત મેળવી શકે છે. ભારત અને પાકિસ્તાનની મેચને લઈને સવારથી જ સટ્ટોડિયા પણ સટ્ટામાં લાગેલા હતા. બીજી બાજુ પોલિસ ટીમે પણ સટ્ટાબાજી પર સાપતી નજર રાખી હતી. જોકે, સટ્ટાબાજો પોલિસની બાજ નજરથી બચવામાં સફળ રહ્યા હતા. ક્રિકેટ ચાહકો પણ આધુનિક સમયમાં નાના મોટા સટ્ટા રમતા થઈ ગયા છે.

(8:09 pm IST)
  • ભારતની પાકિસ્તાન સામે 89રને શાનદાર જીત : પાકિસ્તાનને 212 રનમાં ઘરભેગુ કરી દીધું : સમગ્ર ભારતમાં જશનનો માહોલ : લોકોએ દેશભરમાં ફટાકડા ફોડી ભારતની ભવ્ય જીતને વધાવ્યું access_time 12:32 am IST

  • પોરબંદરના ખંભાળા અને ફોદારા જળાશય વિસ્તારમાં સાંજે એકથી દોઢ ઇંચ પોરબંદરઃ પોરબંદર નજીક સાંજે ખંભાળા જળાશયમાં ૨૯ મીમી અને ફોદારા જળાશયમાં ૪૦ મીમી વરસાદ વરસી પડયો હતો. પોરબંદરમાં આખો દિવસ ધુપછાંવ બાદ સાંજે ઉઘાડ થઇ ગયો છે. access_time 7:39 pm IST

  • વરસાદના લીધે મેચ રોકી દેવામાં આવ્યો : 35 ઓવરનાં અંતે પાકિસ્તાનના 166 રન અને 6 વિકેટ ગુમાવી : હવે જો 15 - 20 મિનિટમાં વરસાદ બંધ થાય તો પાકિસ્તાનનો દાવ આગળ વધી શકે, નહિતર મેચની હાર - જીત "ડકવર્થ લુઈસ"ના નિયમ મુજબ નક્કી કરવામાં આવશે તેમ જાણવા મળે છે. કોઈ પણ સ્થિતિમાં અત્યારે ભારત ખુબજ મજબૂત સ્થિતિમાં છે. access_time 10:53 pm IST