Gujarati News

Gujarati News

News of Sunday, 15th April 2018

IPL -2018 : રસાકસી બાદ ચેન્નાઇ સુપર કિંગ્સનો 4 રને પરાજય : રોમાંચક મેચમાં કિંગ્સ ઇલેવન પંજાબનો વિજય

મોહાલીઃ આઈપીએલની 12મી ચોમાંચક મેચમાં કિંગ્સ ઈલેવન પંજાબે ચેન્નઈ સુપર કિંગ્સને 4 રને હરાવ્યું છે. અંતિમ બોલ સુધી મેચ રોમાંચક બનેલી મેચમાં પંજાબે વિજય મેળવ્યો હતો ચેન્નઈના કેપ્ટન  ધોનીએ શાનદાર બેટિંગ કરી હતી. ધોનીએ 44 બોલમાં 79 રન બનાવ્યા હતા. તેણે 6 ફોર અને 5 સિક્સ ફટકારી હતી.
   પંજાબે  આપેલા 198 રનનો લક્ષ્ય હાસિલ કરવા માટે ચેન્નઈ તરફતી મુરલી વિજય અને શેન વોટસને ઈનિંગની શરૂઆત કરી હતી. આ બંન્ને ખેલાડીઓ ચેન્નઈનો સારૂ શરૂઆત અપાવવામાં નિષ્ફળ રહ્યા હતા. મેચની બીજી ઓવરના અંતિમ બોલે શેન વોટસન માત્ર 11 રન બનાવી મોહિત શર્માનો શિકાર બન્યો હતો. ટીમનો સ્કોર 39 રને પહોંચ્યો ત્યારે મુરલી વિજય (12)ને ટાયે પેવેલિયન મોકલીને ચેન્નઈને બીજો ઝટકો આપ્યો હતો. ત્યારબાદ ગત મેચનો હીરો શેમ બિલિંગ્સ ક્રિઝ પર આપ્યો હતો. પરંતુ તે પણ આ વખતે મોટી ઈનિંગ રમવામાં અસફળ રહ્યો હતો. તેને અશ્વિને એલબીડબલ્યૂ આઉટ કર્યો હતો. બિલિંગ્સે 9 રન બનાવ્યા હતા. 
   ત્યારબાદ કેપ્ટન ધોની અને રાયડુએ 57 રનની ભાગીદારી કરી હતી. રાયડુ શાનદાર ફોર્મમાં હતો પરંતુ ઝડપી રન લેવાના ચક્કરમાં અશ્વિનના શાનદાર થ્રો દ્વારા તે રન આઉટ થયો હતો. રાયડુએ 35 બોલમાં 49 રન બનાવ્યા હતા. જેમાં 5 ફોર અને 1 સિક્સનો સમાવેશ થાય છે. રાયડુના આઉટ થયા બાદ જાડેજા બેટિંગ કરવા માટે આવ્યો હતો. જાડેજા અને ધોની વચ્ચે પણ 50 રનની ભાગીદારી થઈ હતી. આ દરમિયાન ધોનીએ પોતાની અર્ધસદી પુરી કરી હતી. જાડેજા 13 બોલમાં 19 રન બનાવી આઉટ થયો હતો. 
   આ પહેલા આઈપીએલના 12માં મેચમાં કિંગ્સ ઇલેવન પંજાબની ટીમે પોતાના ઘરમાં ચેન્નઈ સુપર કિંગ્સ વિરુદ્ધ પ્રથમ બેટિંગ કરતા જીત માટે 198 રનનો ટાર્ગેટ રાખ્યો હતો. પંજાબે નિર્ધારિત ઓવરોમાં 7 વિકેટના નુકસાન પર 197 રન બનાવ્યા હતા. પંજાબની તરફતી વિસ્ફોટક બેટ્સમેન ક્રિસ ગેલે શાનદાર અડધી સદી ફટકારી હતી. તે સિવાય ઓપનર કે.એલ. રાહુલે 22 બોલમાં 37 રનની ઝડપી ઈનિંગ રમી હતી. મયંક અગ્રવાલે 30 અને કરૂણ નાયરે 29 રન બનાવ્યા હતા. 
ચેન્નઈ સુપરકિંગ્સ તરફતી ઇમરાન તાહિર અને શાર્દુલ ઠાકુરે 2-2 વિકેટ ઝડપી. હરભજન સિંહ, શેન વોટસન અને ડ્વેન બ્રાવોને એક-એક સફળતા મળી હતી. કેપ્ટન આર અશ્વિને ઉપયોગી 14 રન બનાવ્યા હતા.
આ પહેલા રાહુલ અને ક્રિસ ગેલે પંજાબને ધમાકેદાર શરૂઆત આપી હતી. પંજાબના આક્રમક ઓપનર ગેલે 23 બોલમાં પોતાની અર્ધસદી પુરી કરી. આ સીઝનમાં તેનો પ્રથમ મેચ હતો અને તેણે પ્રથમ મેચમાં સાબિત કરી દીધું કે તેને પ્રથમ બે મેચમાં બહાર રાખવાનો નિર્ણય અયોગ્ય હતો. ગેલ 33 બોલમાં 63 રન બનાવી આઉટ થયો હતો. તેણે 7 ચોગ્ગા અને 4 છગ્ગા ફટકાર્યા હતા. ગેલને શેન વોટસને આઉટ કર્યો હતો. રાહુલે 37 રનની ઈનિંગમાં 7 ચોગ્ગા ફટકાર્યા, તેને હરભજને આઉટ કર્યો હતો. 
ત્યારબાદ ઇમરાન તાહિરે સતત બે બોલમાં મયંક અગ્રવાલ અને એરોન ફિન્ચને આઉટ કરીને પંજાબને મોટો ઝટકો આપ્યો હતો. તાહિર હેટ્રિક ચૂકી ગયો હતો. યુવરાજ સિંહ (20)ના રૂપમાં પંજાબની પાંચમી વિકેટ પડી હતી. યુવરાજે 13 બોલમાં ત્રણ બાઉન્ટ્રી ફટકારી હતી. તેની વિકેટ શાર્દુલ ઠાકુરે ઝડપી હતી. આર.અશ્વિન (14)ના રૂપમાં પંજાબની છઠ્ઠી વિકેટ પડી હતી. કરૂણ નાયર (29)ને બ્રાવોએ આઉટ કર્યો હતો. 

(12:27 am IST)
  • અમદાવાદ એલીસબ્રીજ પોલીસે આઇપીએલ પર સટ્ટો રમતા શખ્શ સુરેશ યાદવને હોટલ અર્બનમાંથી દબોચ્યો : રાજસ્થાન રોયલ્સ અને રોયલ ચેલેન્જ બેંગલોરના મેચ પર સટ્ટો રમાડતો હતો સુરેશ : લેપટોપ, ટીવી, મોબાઇલ સહિત ઘણી ચીજો પોલીસે જપ્ત કરી access_time 12:25 am IST

  • વિશ્વ હિંદુ પરિષદની થયેલી ચૂંટણી પછી હવે વીએચપીના કાર્યકારી અધ્યક્ષના પદ પરથી પ્રવિણ તોગડિયાની હકાલપટ્ટી કરવામાં આવી છે. આ પદ હવે પ્રવિણ તોગડિયાના બદલે આલોકકુમારની નિમણૂંક કરવામાં આવી છે. આલોકકુમાર યુપીના રહેવાસી છે અને વ્યવસાયે એડવોકેટ છે. હવે વીએચપીની બોડીનું વિસર્જન કરી દેવાયું છે અને ટૂંક સમયમાં નવી ટીમની જાહેરાત કરવામાં આવશે. આમ, વિશ્વ હિન્દુ પરિષદમાંથી પ્રવિણ તોગડિયાની હકાલપટ્ટી થતા રાજ્યભરમાં તેની ઊંડી અસર જોવા મળી રહી છે. ટપોટપ રાજીનામા પડવા લાગ્યા છે. ગુજરાતમાં 10થી વધુ જિલ્લાઓમાં રાજીનામાનો દોર શરૂ થયો છે. વિશ્વ હિન્દુ પરિષદ અને બજરંગ દળના કાર્યકરો રાજીનામા આપી રહ્યાં છે. આગામી દિવસોમાં વધુ રાજીનામા પડે તો નવાઈ નથી. access_time 12:43 am IST

  • કર્ણાટક ચૂંટણી : કોંગ્રેસે 218 ઉમેદવારોની યાદી બહાર પાડી : મુખ્યમંત્રી સિદ્ધારમૈયાહ ચામુન્ડેશ્વરીથી ચૂંટણી લડશે : મુખ્યમંત્રી સિદ્ધારમૈયાહનો પુત્ર ડો. યથીન્દ્રને વરૂણા વિધાનસભાથી ટિકિટ આપવામાં આવી છે : સિદ્ધામૈયા હાલમાં વરુણાના ધારાસભ્ય છે. access_time 10:31 pm IST