Gujarati News

દુનિયાના નંબર એક મેન્સ બેડમિન્ટન ખેલાડી કિદાંબી શ્રીકાંતનું ગોલ્ડકોસ્ટ કોમનવેલ્થ ગેમ્સમાં ગોલ્ડ મેડલ જીતવાનું સપનું તૂટયું છે. ત્રણ સેટ ચાલેલા મુકાબલામાં મલેશિયાના ખેલાડી લી ચોંગ વીએ 21 વિરુદ્ધ 19, 14 વિરુદ્ધ 21 અને 14 વિરુદ્ધ 21થી શ્રીકાંતને મ્હાત આપી છે. શ્રીકાંત પહેલા સેટમાં જીત મેળવ્યા બાદ બાકીના બે સેટમાં સારું પ્રદર્શન જાળવી શક્યા નહીં અને તેની હાર થઈ છે. જેને કારણે કોમનવેલ્થ ગેમ્સમાં કિદાંબી શ્રીકાંતને સિલ્વર મેડલથી સંતોષ માનવો પડયો છે.