Gujarati News

Gujarati News

News of Thursday, 15th February 2018

વિજય હજારે ટ્રોફી: બરોડાએ 57 રને ઓડિસને હરાવ્યું

નવી દિલ્હી: વિજય હઝારે ટ્રોફી વન ડેની ગુ્રપ મેચમાં બરોડાએ ઓડિસા સામે ૫૭ રનથી વિજય મેળવ્યો હતો. આ સાથે તેઓએ પાંચમાંથી ચાર મેચ જીતીને ૧૬ પોઈન્ટ્સ મેળવી લીધા છે. જ્યારે વિદર્ભ સામેની મેચમાં સૌરાષ્ટ્ર ૯૬ બોલ બાકી હતા, ત્યારે આસાનીથી આઠ વિકેટથી જીત મેળવી લીધી હતી. સૌરાષ્ટ્રનો આ છઠ્ઠી મેચમાં ચોથો વિજય છે. જ્યારે ગુજરાતને ગોવા સામેની મેચમાં ભારે રોમાંચક સંઘર્ષ બાદ ૧ વિકેટથી હારનો સામનો કરવો પડયો હતો. ગુજરાત ૬માંથી પાંચમી મેચ હારીને છેલ્લા ક્રમે છે. ભાર્ગવ મેરાઈના ૯૩ તેમજ ચાવલા-કથન પટેલની ૩-૩ વિકેટ ગુજરાતને ગોવા સામેની મેચમાં ૧ વિકેટથી હારનો સામનો કરવો પડયો હતો. જીતવા માટેના ૨૨૮ના ટાર્ગેટનો પીછો કરતાં ગોવાએ ૯ વિકેટ ૨૨૦ના સ્કોર પર ગુમાવી હતી. જોકે કેપ્ટન શગુન કામથની ૧૪૮ બોલમાં ૪ ચોગ્ગા અને ૧ છગ્ગા સાથેની અણનમ ૧૧૦ રનની ઈનિંગે ગુજરાતને જીતથી વંચિત રાખ્યું હતુ. આખરી બેટસમેન પ્રભુદેસાઈ એક પણ બોલ રમ્યા વિના નોટઆઉટ રહ્યો હતો. અગાઉ ગુજરાતે ભાર્ગવ મેરાઈની૧૧૮ બોલમાં ૯ ચોગ્ગા અને ૧ છગ્ગા સાથેની ૯૩ રનની ઈનિંગની મદદથી ૨૨૭ રન કર્યા હતા. ગુજરાત તરફથી ચાવલાએ ૨૭ રનમાં અને કથન પટેલે ૪૨ રનમાં ૩-૩ વિકેટ ઝડપી હતી.

(5:30 pm IST)
  • આજે વર્ષનું પહેલુ સૂર્યગ્રહણ : ભારતમાં નહિં દેખાય : રાત્રે ૧૨:૨૫ થી શરૂ થશે સૂર્યગ્રહણ access_time 3:40 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 12:24 pm IST

  • જમ્મુ-કાશ્મીરના અલગાવવાદી નેતા યાસીન મલિકની તબિયત લથડી : હોસ્પીટલમાં કરાયા દાખલ access_time 9:28 am IST