Gujarati News

Gujarati News

News of Thursday, 15th February 2018

પી. ટી. ઉષાનો નવો અવતારઃ સરિતાએ ૪૦૦ મીટર દોડમાં જીત્યો ગોલ્ડ

એશિયન ગેમ્સ ટેસ્ટ ઈવેન્ટમાં ભારતનો તિરંગો લહેરાયો :સરિતા ડાંગ જિલ્લાની કરાડી આમ્બા ગામની મજૂર પરિવારની દિકરી

ડાંગ ઈન્ડોનેશિયાની રાજધાની જકાર્તામાં ચાલી રહેલા આઠમાં એશિયન ગેમ્સ ટેસ્ટ ઈવેન્ટ સ્પર્ધામાં ભારતની નવી ઉડાન પરી ગુજરાતના ડાંગ જિલ્લાના ધાવકકુમારી સરિતા ગાયકવાડે ૪૦૦ મીટરની દોડ સ્પર્ધામાં સુવર્ણચંદ્રક મેળવ્યો હતો. સરિતાએ ૩૫ દેશોની મહિલા ધાવકોને હરાવી ૫૯.૦૮ સેકન્ડમાં આ સ્પર્ધા જીતી હતી. સરિતાએ આ સુવર્ણ દેશને સમર્પિત કર્યો છે.

સરિતાએ રીલે દોડમાં પોતાના નામનો જ શ્રેષ્ઠ સમયનો રેકોર્ડ પણ બનાવ્યો છે. કોઈપણ આંતરરાષ્ટ્રીય સ્પર્ધામાં આ તેનો પ્રથમ ચંદ્રક છે. દેશને ગૌરવ અપાવનાર સરિતાને ભવિષ્યની પી. ટી. ઉષા માનવામાં આવી રહ્યુ છે.

ડાંગના કરાડી આંબા ગામના એક નાનકડા ગામની ગરીબ પરીવારની દિકરી સરીતાના શાનદાર પ્રદર્શનના લીધે તેની એશિયન ગેમ્સ ટેસ્ટ ઈવેન્ટમાં પસંદગી કરવામાં આવી હતી. ત્યારબાદ એથ્લેટીકસ ફેડરેશન ઓફ ઈન્ડિયા દ્વારા તેમને કેરળમાં છ મહિનાની તાલીમ આપવામાં આવી હતી.

(5:09 pm IST)
  • ૧૯ ફેબ્રુઆરી સોમવારથી ગુજરાત વિધાનસભા સત્રનો પ્રારંભ થશે access_time 3:40 pm IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST