Gujarati News

નવી દિલ્હી: ભારતીય ટીમ વર્લ્ડ કપ 2023માં શાનદાર ફોર્મમાં છે અને તેને વર્લ્ડ કપની નિશ્ચિત દાવેદાર માનવામાં આવે છે. પરંતુ, અનુભવી કિવી બેટ્સમેન રોસ ટેલરને આશા છે કે રોહિત શર્માની આગેવાની હેઠળની ટીમ ઘરઆંગણે સેમિફાઇનલમાં ન્યુઝીલેન્ડનો સામનો કરતી વખતે નર્વસ હશે. ભારત સ્પર્ધામાં એકમાત્ર અજેય ટીમ તરીકે સેમિફાઇનલમાં પ્રવેશ્યું હતું. પરંતુ, હવે સેમિફાઇનલમાં તેનો મુકાબલો ન્યુઝીલેન્ડ સામે થશે.જો કે, ભારતે લીગ તબક્કામાં ન્યુઝીલેન્ડને પણ હરાવ્યું છે, પરંતુ નોકઆઉટ મેચોમાં આ ટીમનો રેકોર્ડ કિવી ટીમની સામે થોડો નબળો છે.ન્યૂઝીલેન્ડે તેની છેલ્લી ચાર નોકઆઉટ મેચોમાં ભારત સામે જીત મેળવી છે, જેમાં 2019 વર્લ્ડ કપની સેમિફાઇનલનો સમાવેશ થાય છે.ટેલરે ICC માટે પોતાની કોલમમાં લખ્યું, ચાર વર્ષ પહેલા ભારત ટૂર્નામેન્ટમાં શાનદાર ફોર્મમાં હતું. પરંતુ તેઓ સેમિફાઇનલમાં હારી ગયા હતા.