Gujarati News

Gujarati News

News of Monday, 14th October 2019

ભારતીય મહિલા ક્રિકેટ ટીમે ત્રીજી વનડેમાં સાઉથ આફ્રિકાને છ રનથી હરાવ્યું : સિરીઝ 3-0થી કબ્જે

હરમનપ્રીત કૌરે સૌથી વધુ ૩૮ રન અને શિખા પાંડેએ ૩૫ રન ફટકાર્યા : એકતા બિષ્ટએ ત્રણ અને દીપ્તિ શર્મા- રાજેશ્વરી ગાયકવાડે બે વિકેટ ઝડપી

વડોદરા : ભારતીય મહિલા ક્રિકેટ ટીમે રિલાયન્સ સ્ટેડીયમમાં રમાયેલી ત્રીજી વનડે મેચમાં સાઉથ આફ્રિકા મહિલા ટીમને છ રનથી હરાવ્યું છે  સાથે જ ભારતે ત્રણ મેચની આ સીરીઝને ૩-૦ થી કબ્જે કરી છે  ભારતે બુધવારે પ્રથમ વનડેમાં ૮ વિકેટથી જીત પ્રાપ્ત કરી હતી જયારે શુક્રવારે તેમને મહેમાન ટીમને પાંચ વિકેટથી હરાવ્યું હતું.

ભારતીય ટીમે ટોસ જીતી પ્રથમ બેટિંગ કરતા ૪૫.૫ ઓવરમાં બધી વિકેટ ગુમાવી ૧૪૬ રન બનાવ્યા અને મહેમાન ટીમને ૧૪૦ રનમાં ઓલ આઉટ કરી દીધું હતું. ભારત તરફથી હરમનપ્રીત કૌરે સૌથી વધુ  ૩૮ રન બનાવ્યા જ્યારે શિખા પાંડેએ ૩૫ રનની શાનદાર ઇનિંગ રમી હતી. તેના સિવાય પુનમ રાઉત (૧૫), કેપ્ટન મિતાલી રાજ (૧૧) અને માનસી જોશી (૧૨) જ ડબલ આંકડાને પ્રાપ્ત કરી શકી હતી.

સાઉથ આફ્રિકા તરફથી મેરિજાને કાપે સૌથી વધુ ત્રણ વિકેટ લીધી જયારે શબનીમ ઈસ્માઈલ અને અયાબોંગા ખાકાને બે-બે સફળતા મળી હતી. જવાબમાં રમવા ઉતરેલી મહેમાન ટીમ ૪૮ ઓવરનો સામનો કરતા ૧૪૦ રનમાં ઓલ આઉટ થઈ ગઈ હતી. તેમાં એકતા બિષ્ટનું મહત્વનું યોગદાન રહ્યું, જેને ૩૨ રન આપી ત્રણ વિકેટ લીધી હતી. દીપ્તિ શર્માએ ૨૪ રન આપી બે અને રાજેશ્વરી ગાયકવાડે ૨૨ રન આપી બે સફળતા પ્રાપ્ત કરી હતી.

સાઉથ આફ્રિકા તરફથી લાઉરા વોલ્વાર્ટે ૨૩મ કેપ્ટન સુન લુસે ૨૪ અને કાપે ૨૯ રન બનાવ્યા હતા. બિષ્ટને વુમન ઓફ ધ મેચ તરીકે પસંદ કરવામાં આવી જ્યારે કાપને વુમન ઓફ ધ સીરીઝનો પુરસ્કાર આપવામાં આવ્યો હતો

(7:19 pm IST)
  • ખતરનાક ડેન્ગ્યુના રોગચાળા માટે જામનગર એપી સેન્ટર બન્યું : છેલ્લા 13 દિવસમાં ડેન્ગ્યુના 629 પોઝિટિવ કેસ નોંધાયા access_time 11:00 pm IST

  • પટણામાં તાજેતરમાં સર્જાયેલ મહાભયાનક પુર હોનારત અંગે બિહારના ચીફ સેક્રેટરીએ 11 ઇજનેરોને શોકોઝ નોટિસ આપી: સાત દિવસમાં તેમની સામે આકરા પગલાં લેવાશે અને એક્ઝિક્યુટીવ એન્જિનિયરની બદલી કરી નાખવામાં આવી છે,:એલએનટીના પ્રોજેક્ટ મેનેજરને પણ શોકોઝ નોટિસ અપાઈ :જેવો નમામિ ગંગે પ્રોજેક્ટ પર કામ કરી રહ્યા હતા access_time 10:56 pm IST

  • મુંબઈના અંધેરી ખાતે આવેલ પેનીનસુલા બિઝનેસ પાર્ક નામના કોમર્શિયલ બિલ્ડિંગમાં આગ ફાટી નીકળતા ફાયરબ્રિગેડે 65 લોકોને બચાવી લીધા છે access_time 10:55 pm IST