Gujarati News

Gujarati News

News of Saturday, 14th September 2019

વેસ્ટ ઇન્ડિઝના જબરદસ્‍ત ઓલરાઉન્ડર આંદ્રે રસેલને કેરેબિયન પ્રીમિયર લીગની મેચમાં બોલ વાગ્યોઃ હેલ્મેટના કારણે બચાવ

કિંગ્સટન (જમૈકા) : વેસ્ટ ઇન્ડિઝના જબરદસ્ત ઓલરાઉન્ડર આંદ્રે રસેલને કેરેબિયન પ્રીમિયર લીગની એક મેચ દરમિયાન હેલ્મેટ પર દડો વાગી ગયો. આ દડો વાગ્યા પછી રસેલને મેદાન બહાર લઈ જવો પડ્યો હતો. રસેલ જમૈકા થલાવાજદ તરફથી સેન્ટ લુસિકા જોક્સ વિરૂદ્ધ મેચ રમી રહ્યો હતો અને એક શોર્ટ બોલને પુલ કરવામાં ચુકી ગયો હતો. આ ગફલતને કારણે દડો જમણા કાન પાસે હેલમેટમાં વાગ્યો અને પછી તે પીચ પર પડી ગયો.

એ સમયે થલાવાજની ઇનિંગની 14મી ઓવર ચાલી રહી હતી અને રસેલે ખાતું નહોતું ખોલ્યું. બોલ જોરથી રસેલના હેલમેટ પર વાગી અને તેના કારણે તે પીચ પર પડી ગયો. તે જેવો પડ્યો કે તરત ફિલ્ડર્સ તેની તરફ દોડ્યા અને હેલમેટ ઉતારીને ઇજા વિશે જાણવાનો પ્રયાસ કરવા લાગ્યા. આ પછી સાંજે એનું સીટી સ્કેન કરવામાં આવ્યું અને એમાં કોઈ ગંભીર ઇજા નથી થઈ. આ વાતની પુષ્ટિ મેડિકલ અપડેટમાં પણ કરવામાં આવી છે.

રસેલ ટી20નો બહુ જાણીતો ખેલાડી છે. આ વર્ષે આઇપીએલમાં તેણે કોલકાતા નાઇટરાઇડર્સ માટે અનેક મેચ વિનિંગ ઇનિંગ રમી હતી પણ તે પોતાની ટીમને ફાઇનલમાં નહોતો પહોંચાડી શક્યો. તેને મુંબઈની ટીમે હરાવ્યો હતો. જોકે તેની શાનદાર રમતના આધારે જ કોલકાતાએ મુંબઈને હરાવીને પ્લેઓફમાં પોતાની જગ્યા બનાવી હતી.

(5:20 pm IST)
  • કોંગ્રેસના દિગ્ગજ નેતા ડીકે શિવકુમારને છાતીમાં દુખાવાની ફરિયાદ : ઇડીની અટકાયત દરમિયાન ત્રીજીવાર હોસ્પિટલમાં દાખલ કરાયા access_time 12:57 am IST

  • ચિદમ્બરમ ૧૯ સપ્ટેમ્બર સુધી તિહાર જેલમાં જ રહેશે : તેમની ઇડી સમક્ષ સરેન્ડર થવાની અરજી દિલ્હી કોર્ટે ફગાવી દેતા હવે ચિદમ્બરમનો તિહાર જેલવાસ પાંચ દિવસ લંબાઇ ગયો છે access_time 4:24 pm IST

  • પાકિસ્તાન SCO બેઠકનો બહિષ્કાર કર્યો પણ અધિકારીઓ ખાવા પહોંચી ગયા !: દિલ્હીમાં આયોજીત બે દિવસીય શંઘાઇ સહયોગ સંગઠનના મિલિટ્રી મેડિસિન સમ્મેલનનો પ્રથમ દિવસે અધિકારીઓ હાજર નહોતા રહ્યા પરંતુ ખાવા પહોંચી ગયા access_time 1:10 am IST