Gujarati News

Gujarati News

News of Wednesday, 14th August 2019

મહિલા ક્રિકેટ 24 વર્ષ પછી કોમનવેલ્થ ગેમ્સનો બનશે હિસ્સો: આઠ ટીમો લેશે ભાગ

નવી દિલ્હી: કોમનવેલ્થ ગેમ્સ ફેડરેશન (સીજીએફ) એ મંગળવારે ઇંગ્લેન્ડના બર્મિંગહામમાં 2022 માં યોજાનારા કોમનવેલ્થ ગેમ્સમાં મહિલા ટી 20 ક્રિકેટને સમાવિષ્ટ કરવાની જાહેરાત કરી હતી. વર્ષ 2022 માં બર્મિંગહામમાં યોજાનારી કોમનવેલ્થ ગેમ્સ 27 જુલાઈથી 7 ઓગસ્ટ દરમિયાન યોજાશે, જેમાં લગભગ 45000 રમતવીરો 18 રમતોમાં ભાગ લેશે.સ્પર્ધાની તમામ મેચ બર્મિંગહામના એજબેસ્ટન ક્રિકેટ ગ્રાઉન્ડ ખાતે રમાશે. આઠ મહિલા ક્રિકેટ ટીમો તેમાં ભાગ લેશે અને તે આઠ દિવસ સુધી રમવામાં આવશે. 1998 પછી આ પહેલી વાર છે જ્યારે રાષ્ટ્રમંડળ રમતોમાં ક્રિકેટનો સમાવેશ કરવામાં આવ્યો છે.1998 માં કુઆલાલંપુરમાં યોજાયેલ કોમનવેલ્થ ગેમ્સમાં, દક્ષિણ આફ્રિકાની પુરુષ ટીમે 50 ઓવરના ફોર્મેટમાં ગોલ્ડ મેડલ જીત્યો હતો. સીજીએફના પ્રમુખ લુઇસ માર્ટિને કહ્યું, "આજે એતિહાસિક દિવસ છે અને અમે રાષ્ટ્રમંડળ રમતોત્સવમાં ક્રિકેટ પરત આવવાનું સ્વાગત કરીએ છીએ."

(5:24 pm IST)
  • ગૃહ ખાતાએ જાહેર કર્યું છે કે અનલોફુલ એક્ટિવિટીઝ પ્રિવેન્સન એક્ટ (સુધારેલ) ૨૦૧૯ આજથી અમલી બની ગયેલ છે access_time 11:56 pm IST

  • અયોધ્યા કેસ મુદે સુપ્રિમમા સુનાવણી ચાલુ : બાબરના આદેશથી રામમંદિર તોડી પડાયાના પુરાવા છે? સુપ્રિમનો સવાલ : ૫ ઓગષ્ટથી શરૂ થયેલી આ સુનાવણીનો આજે ૬ઠો દિવસ છેઃ ગઇકાલની સુનાવણીમાં રામલલ્લા પક્ષના વકીલે તેમની દલીલો રાખી આજે પણ તેઓ જ તેમની વાત પર આગળ વધી રહયા છેઃ આ દરમિયાન કોર્ટે એકવાર ફરી રામલલ્લા પક્ષ પાસેથી જન્મભૂમિ પર કબ્જાના પુરાવા માંગ્યા હતા access_time 1:13 pm IST

  • જમ્મુ-કાશ્મીરમાં પૂર્વ આઇએએસ અધિકારી શાહ ફૈઝલની ધરપકડ : તેઓ પીપલ્સ મુવમેન્ટ પાર્ટીના અધ્યક્ષ છે અને ૩૭૦ મી કલમ હટાવવાનો વિરોધ કરેલ આમ કાશ્મીરના વધુ એક અલગાવવાદી નેતાની અટક છે access_time 4:18 pm IST