Gujarati News

ગઈકાલથી સાઉથ કોરીયામાં શરૂ થયેલી પાંચ દેશોની એશિયન ચેમ્પિયન્સ ટ્રોફીમાં ભારતે પહેલી મેચમાં જાપાનને ૪-૧થી પરાજીત કરીને વિજયી શરૂઆત કરી હતી. ડિફેન્ડર સુનીતા લાકડા ટીમની કેપ્ટન છે. યુવા ફોરવર્ડ નવનીત કૌરે મેચની સાતમી, પચીસમી અને પંચાવનમી મિનિટે ગોલની હેટ-ટ્રીક કરી હતી. એક ગોલ અનુપા વર્માએ ૫૩મી મિનિટમાં કર્યો હતો. જાપાનનો એક માત્ર ગોલ ૫૮મી મિનિટમાં અકી યામાડાએ કર્યો હતો. ભારતની બીજી મેચ હવે બુધવારે ચીન સામે થશે. આ સ્પર્ધામાં ભારત સિવાય જાપાન, ચીન, મલેશીયા અને સાઉથ કોરીયા ભાગ લઈ રહ્યા છે. ૨૦૧૬માં ભારતીય ટીમે ફાઈનલમાં ચીનને ૨-૧થી હરાવીને ટ્રોફી જીતી લીધી હતી.