Gujarati News

Gujarati News

News of Wednesday, 14th March 2018

બાંગ્લાદેશને 17 રને હરાવી ભારત નીહદાસ ટ્રોફીની ફાઇનલમાં પહોંચ્યું

ભારતના 177 રનના ટાર્ગેટ સામે બાંગલાદેશ 159 રન બનાવી શક્યું : વોશિંગટન સુંદરે ત્રણ વિકેટ ઝડપી:બાંગ્લાદેશના રહીમ 72 રને અણનમ રહ્યો

કોલંબોઃબાંગ્લાદેશને 17 રને હરાવીને ભારત નિહદાસ ટ્રોફીની ફાઇનલમાં પહોંચ્યું છે ભારતે આપેલા 177 રનના ટાર્ગેટ સામે બાંગ્લાદેશ 20 ઓવરમાં 6 વિકેટે 159 રન બનાવી શક્યું હતું. ભારત તરફથી વોશિંગટન સુંદરે સૌથી વધુ ત્રણ વિકેટ ઝડપી હતી.બાંગ્લાદેશનો બેટ્સમેન રહીમ 72 રન બનાવી અણનમ રહ્યો હતો. 177 રનના ટાર્ગેટને હાસિલ કરવા ઉતરેલી બાંગ્લાદેશની શરૂઆત ખરાબ રહી હતી. મેચની બીજી ઓવરમાં વોશિંગટન સુંદરે ભારતને પ્રથમ સફળતા અપાવી, 7 રને રમી રહેલા લિટન દાસને સુંદરે આઉટ કર્યો હતો. સુંદરે તેના પછીની ઓવરમાં બાંગ્લાદેશને બીજો ઝટકો આપ્યો તેણે સોમ્ય સરકારને બોલ્ડ કર્યો હતો. સુંદરે તેની ત્રીજી ઓવરમાં બેટિંગ કરી રહેલા તમિમ ઇકબાલને આઉટ કરીને ભારતને ત્રીજી સફળતા અપાવી હતી. તમિમે 19 બોલમાં 27 રન બનાવ્યા હતા. યુજવેન્દ્ર ચહલે બાંગ્લાદેશના કેપ્ટન મહમદુલ્લાહને રાહુલના હાથમાં ઝીલાવીને ભારતને ચોથી સફળતા અપાવી હતી. 

ત્યારબાદ શબ્બીર રહમાન અને મુશ્ફિકુર રહીમે શાનદાર બેટિંગ કરીને બાંગ્લાદેશને સંકટમાંથી બહાર કાઢ્યું હતું. બંન્નેએ પાંચમી વિકેટ માટે 65 રનની ભાગીદારી કરી હતી. આ ભાગીદારીને શાર્દુલ ઠાકુરે તોડી હતી. તેણે રહમાનને 27 રને બોલ્ડ કર્યો હતો. રહીમે ફરી એકવખત શાનદાર પ્રદર્શન કરતા 42 બોલમાં પોતાની અર્ધસદી પુરી કરી હતી. મેચની અંતિમ ઓવરમાં સિરાજે મહેદી હસનને આઉટ કર્યો હતો. 

ભારત તરફથી વોશિંગટન સુંદરે 4 ઓવરમાં 22 રન આપીને ત્રણ વિકેટ ઝડપી હતી. ચહલે 4 ઓવરમાં 21 રન આપીને 1 તથા ઠાકુરને 1 સફળતા મળી હતી. 

રોહિત શર્મા અને શિખર ધવનની જોડીએ ટીમ ઈન્ડિયાને શાનદાર શરૂઆત આપી. બંન્નએ પ્રથમ વિકેટ માટે  9.5 ઓવરમાં 70 રનની ભાગીદારી કરી. આ સ્કોર પર ફાસ્ટ બોલર રૂબેલ હુસૈને ભારતને પ્રથમ ઝટકો આપ્યો, તેણે શિખરને 35 રનના અંગસ સ્કોરે બોલ્ડ આઉટ કર્યો હતો. ત્યારબાદ રૈના અને રોહિત શર્માએ મળીને 102 રનની ભાગીદારી કરી હતી. રૈના 30 બોલમાં 5 ફોર અને 2 સિક્સની મદદથી 47 રન બનાવી આઉટ થયો હતો. રોહિત શર્મા ફોર્મમાં આવતા તેણે શાનદાર બેટિંગ કરી હતી. રોહિત શર્માએ 61 બોલમાં 5 સિક્સ અને 5 ફોરની મદદથી 89 રન બનાવ્યા હતા. તે અંતિમ બોલે રનઆઉટ થયો હતો. 

ભારતીય ટીમઃ રોહિત શર્મા (કેપ્ટન), શિખર ધવન, સુરેશ રૈના, મનીષ પાંડે, રૂષભ પંત, દિનેશ કાર્તિક, વોશિંગટન સુંદર, વિજય શંકર, મોહમ્મદ સિરાજ, શાર્દુલ ઠાકુર. બાંગ્લાદેશ ટીમઃ તમિમ ઇકબાલ, સૌમ્ય સરકાર, મહમદુલ્લાહ, મુશ્ફિકુર રહીમ, લિટન દાસ, શબિર રહેમાન, મહેંદી હસન, નુજમલ ઇસ્લામ, રૂબેલ હુસૈન, અબુ હૈદર રોની, મુસ્તફિઝુર રહેમાન

(12:48 am IST)
  • અરૂણાચલ પ્રદેશના તોતિંગમાં ભારતીય વાયુસેનાનું ગ્લોબમાસ્ટર સી-17 વિમાને ઐતિહાસીક લેન્ડિંગ કર્યું. આ વિસ્તાર ચીનની સરહદની નજીક છે. અમેરિકા નિર્મિત આ વિમાનનું ઉંચાઇવાળા વિસ્તારમાં કરવામાં આવેલું લેન્ડિંગ ભારતીય વાયુસેનાના સરહદી વિસ્તારમાં એક મજબૂત ડગ સમાન જોવામાં આવી રહ્યું છે. access_time 12:59 am IST

  • અરવલ્લી જિલ્લા કલેકટર કચેરીમાં આગ:મોડાસા મામલતદાર ઓફિસની બાજુમાં લાગી આગ : વેસ્ટ વિભાગમાં આગના કારણે ઓછું નુકશાન :મોડાસા ફાયર ફાઈટર આગ પર કાબુ મેળવ્યો : મોટી ઘટના થતા બચી access_time 1:06 am IST

  • પાણી બચાવવાને લઈ સુરતના ડોક્ટરોએ અનોખી પહેલ આદરી છે. જેમાં વોટસએપમાં તબીબો દ્વારા એક ગ્રુપ બનાવીને રોજ તેમાં ક્રિએટીવ મેસેજ, વીડિયો, ઓડિયો મુકીને અન્ય લોકો સુધી પહોંચાડવાના પ્રયત્નો કરવામાં આવી રહ્યાં છે. આ ગૃપમાં લગભગ શહેરના 50થી વધુ ડોક્ટર્સ જોડાઈ છે. ડોક્ટર્સને જ્યાં ક્યાંયથી પણ પાણી બચાવવાનો મેસેજ મળે તે આ ગ્રુપમાં મુકે છે. access_time 12:59 am IST