Gujarati News

Gujarati News

News of Wednesday, 14th February 2018

વિન્ટર ઓલિમ્પિક: સ્નો બોર્ડની હાફપાઈપ ઈવેન્ટમાં 17 વર્ષીય અમેરિકન કિશોરીએ જીત્યું ગોલ્ડ મેડલ

નવી દિલ્હી: કોરિયન મૂળની ૧૭ વર્ષીય ચ્લોઈ કિમે તેના વતનની ભૂમિ પર વિન્ટર ઓલિમ્પિકમાં અમેરિ માટે સ્નો બોર્ડની હાફપાઈપ ઈવેન્ટમાં ગોલ્ડ મેડલ જીત્યો હતો. સાથે અમેરિકાએ સ્નો બોર્ડની ઈવેન્ટમાં ત્રીજો ગોલ્ડ મેડલ જીત્યો હતો. વિન્ટર ઓલિમ્પિકની મેડલ ટેલીમાં જર્મની નંબર વન છે અને  તેઓ પાંચ ગોલ્ડ સાથે કુલ મેડલ જીતી ચૂક્યા છેચ્લોઈ કિમે હાફપાઈપ સ્નોબોર્ડ ઈવેન્ટમાં  ૯૩.૭૫ના સ્કોર સાથે ગોલ્ડ મેડલ જીત્યો હતો. જ્યારે સિલ્વર મેડલ જીતનારી ચાઈનીઝ હરિફ તેના કરતાં ચાર પોઈન્ટ જેટલું પાછળ રહી હતી. ચીનની લીઉ જીએયુને  ૮૯.૭૫ના સ્કોર સાથે સિલ્વર મેડલ મળ્યો હતો. નોંધપાત્ર છે કે, ચાર વર્ષ અગાઉ સોચીમાં વિન્ટર ઓલિમ્પિક યોજાવાના હતા,ત્યારે ૧૩ વર્ષની ઉંમરે ચ્લોઈ કિમ ક્વોલિફાય થઈ હતી. જોકે તે ઓલિમ્પિક માટે ખુબ નાની હોવાના કારણે તેને અમેરિકાએ ઈવેન્ટમાં ભાગ લેવાની પરવાનગી આપી હતી.

(3:45 pm IST)
  • ગાંધીનગરમાં આજે રાજ્ય સરકારની કેબિનેટ બેઠક યોજાઈ હતી. મુખ્યમંત્રી વિજય રૂપાણીની અધ્યક્ષતામાં યોજાયેલી બેઠકમાં જળસંકટ, આગામી બજેટ સત્ર ઉપરાંત વર્તમાન પરિસ્થિતિ સહિતના મુદ્દે ચર્ચા થઈ હતી. સાથે જ કેનેડાના પીએમ આગામી અઠવાડિયે ગુજરાત આવવાના હોઈ તે મુદ્દે પણ ચર્ચા થઈ હોવાનું જાણવા મળે છે. access_time 3:33 pm IST

  • IPL 11ની મેચોનું ટાઈમ ટેબલ જાહેર : 51 દિવસ ચાલશે મેચો : રોહિત અને ધોની વચ્ચે પહેલી ફાઈટ : BCCIએ ઈન્ડિયન પ્રીમિયર લીગ (IPL)ની 11મી સીઝનના મેચ શિડ્યુલની જાહેરાત બુધવારના રોજ કરી. 51 દિવસ ચાલનારી આ ટુર્નામેન્ટની શરૂઆત 7 એપ્રિલ 2018ના રોજ થશે. સીઝનની પહેલી મેચ હાલની ચેમ્પિયન ટીમ મુંબઈ ઈન્ડિયન્સ અને બે વખત ચેમ્પિયન રહેલી ટીમ ચેન્નઈ સુપર કિંગ્સ વચ્ચે મુંબઇના વાનખેડે સ્ટેડિયમાં રમાશે. access_time 1:12 am IST

  • રાજસ્થાનમાં આવેલા રણથંભોર નેશનલ પાર્કમાં વાઘની સંખ્યામાં વધારો થયો છે. જાન્યુઆરીમાં પાર્કમાં કુલ ૬૭ વાઘ હતા. તેમાંથી ૨૧ નર વાઘ અને ૨૦ માદા છે. પાર્કના ઈતિહાસમાં આટલા બધા વાઘ ક્યારેય જોવા મળ્યા નથી, એક સમયે વાઘની સંખ્યા ઘટીને 25 થઈ ચુકી હતી. નિષ્ણાંતોના જણાવ્યા પ્રમાણે પાર્કની ક્ષમતા કરતા અહી વાઘની સંખ્યા વધી ગઈ છે. access_time 1:06 pm IST