Gujarati News

Gujarati News

News of Friday, 13th December 2019

આઈપીએલ હરાજી : ૭૩ સ્થાન ભરવા બોલી લાગશે

૯૯૭ ખેલાડીઓમાંથી ૩૩૨ શોર્ટલિસ્ટેડ થયા : ૧૯મી ડિસેમ્બરના દિવસે કોલકાતામાં હરાજી પ્રક્રિયા

નવી દિલ્હી, તા. ૧૩ : ઇન્ડિયન પ્રિમિયર લીગ (આઈપીએલ)ની ૧૨મી એડિશન માટે યોજાનાર હરાજીમાં ૩૩૨ ખેલાડીઓને શોર્ટલિસ્ટ કરવામાં આવ્યા છે. આઈપીએલ ૨૦૨૦ માટે આ વખતે કોલકાતામાં ૧૯મી ડિસેમ્બરના દિવસે લીગની આઠ ફ્રેન્ચાઈઝીસ પોતપોતાની ટીમમાં બાકી બચી ગયેલા સ્થાનો માટે બોલી લગાવશે.

આ લીગમાં એન્ટ્રી કરવાના ઇરાદાથી આ વખતે ૯૯૭ ખેલાડીઓએ પોતાના નામની નોંધણી કરાવી હતી. ત્યારબાદ ૩૩૨ નામને શોર્ટલિસ્ટ કરવામાં આવ્યા છે. આ વખતે હરાજીમાં કુલ ૭૩ ખાલી જગ્યોને ભરવામાં આવનાર છે. આ વખતે લગાવવામાં આવનાર બોલીમાં ટોપ રિઝર્વ બેઝ પ્રાઇઝ બે કરોડ રૂપિયા છે જેમાં સાત વિદેશી ખેલાડીઓ સામેલ છે. બે કરોડની સ્લેબમાં કોઇપણ ભારતીય ખેલાડી સામેલ નથી. જે સાત ખેલાડીઓના નામ આમા સામેલ છે તેમાં પેટ કમિન્સ, હેઝલવુડ, ક્રિસ લીન, મિશેલ માર્શ, ગ્લેન મેક્સવેલ, ડેલ સ્ટેઇન અને એન્જેલા મેથ્યુસનો સમાવેશ થાય છે.

               હરાજીમાં રિઝર્વ બેઝ પ્રાઇઝ હેઠળ  સૌથી મોંઘા ખેલાડીની વાત કરવામાં આવે તો રોબીન ઉથપ્પાનો સમાવેશ થાય છે. રોબીન ઉથપ્પા હરાજીમાં બીજા સૌથી મોંઘા રિઝર્વ ખેલાડી તરીકે છે. રોબીન ઉથપ્પા બાદ પીયુષ ચાવલા, યુસુફ પઠાણ, જયદેવ એક કરોડની બેઝ પ્રાઇઝવાળી સ્લેબમાં સામેલ છે. મળેલી માહિતી મુજબ કોલકાતામાં હાથ ધરવામાં આવનાર હરાજી ૧૯મી ડિસેમ્બરના દિવસે ગુરુવારે ત્રણ વાગે શરૂ થશે. આ વખતે હરાજીમાં કુલ ૧૮૬ ખેલાડીઓ ભારતમાં સામેલ થશે જ્યારે ૧૪૩ ખેલાડીઓ વિદેશી રહેશે. ત્રણ ખેલાડી એસોસિએટ્સ દેશોના રહેનાર છે.

(9:27 pm IST)
  • ભારે હિમપાત અને બરફવર્ષાને પગલે હિમાચલ પ્રદેશમાં કુફરી અને નારકોડાના પ્રવાસન સ્થળોએ નેશનલ હાઇવે-૫ બંધ કરી દીધો : હિમાચલના કુલ્લુ જિલ્લાના મનાલીના પલછન ગામમાં ભારે બરફવર્ષા ૪૫ સે.મી. બરફ પડયો access_time 11:37 am IST

  • કોંગ્રેસ દ્વારા કાલે ભારત બચાવો રેલી : લાખો કોંગી કાર્યકતાઓ દિલ્હીમાં આ રેલીમાં જોડાશે તેવા કોંગી નેતાઓનો દાવોઃ ગુજરાતથી હજારો કાર્યકર્તાઓ પાટનગર પહોંચી ગયા access_time 11:33 am IST

  • વરસાદ-ઠંડી-હિમવર્ષા સુસવાટા મારતા પવન સાથે દિલ્હી એનસીઆરમાં જોરદાર વરસાદઃ નોઇડાના અનેક વિસ્તારોમાં ભારે વરસાદઃ રાજસ્થાનના અનેક વિસ્તારોમાં વરસાદ પડયોઃ સીકર જીલ્લામાં વિજળી ત્રાટકતા ૪૦ વર્ષની સંગીતા દેવી અને ૧૩ વર્ષના પુત્ર ગુરમીતના મોત : ઉત્તર ભારતના અનેક વિસ્તારમાં વરસાદની આગાહીઃ ઉત્તરાખંડ અને હિમાચલ ભારે હિમવર્ષાઃ દિલ્હીમાં પાંચ ડિગ્રી સુધી ઉષ્ણતામાન ચાલ્યું જવાની સંભાવના શ્રીનગર રાજોરી કારગીલ સહિત જમ્મુ-કાશ્મીર હિમાચલ અને લદાખના અનેક વિસ્તારોમાં વરસાદ સાથે ભારે બરફબારીની સંભાવના આજે રાજસ્થાનમાં મેઘગર્જના સાથે વરસાદ અને કરા પડવાની આગાહી થઇ છે. access_time 11:38 am IST