Gujarati News

Gujarati News

News of Wednesday, 13th November 2019

હોંગકોંગ ઓપન : સાઈના નેહવાલ અને સમીર વર્માનો પ્રથમ રાઉન્ડમાં પરાજય થતા બહાર

ભારતીય બેડમિન્ટન સ્ટાર સાઈના નેહવાલ અને સમીર વર્મા હોંગકોંગ ઓપનના પ્રથમ રાઉન્ડમાં જ હારી બહાર થઈ ગયા છે. આઠમી ક્રમાંકિત પ્રાપ્ત સાઈના નેહવાલ છેલ્લી છ ટુર્નામેન્ટમાં પાંચમી વખત પ્રથમ રાઉન્ડમાં હારી છે. આ વર્ષે જાન્યુઆરીમાં ઇન્ડોનેશિયા માસ્ટર્સ જીતનારી સાઈના નેહવાલને ચીનની કેઈ યાન યાને સતત બીજી વખત ૨૧-૧૩, ૨૨-૨૦ થી હરાવી છે. છેલ્લા અઠવાડિયે પણ તે કેઈથી હારી હતી. દુનિયાના ૧૬ માં નંબરના ખેલાડી સમીર ૫૪ મિનીટ સુધી ચાલેલ મુકાબલામાં ચીની તાઇપેના વાંગ જુ વેઈથી ૧૧-૨૧, ૨૧-૧૩, ૮-૨૧ થી હારી ગયા હતા. આ પ્રથમ રાઉન્ડમાં તેમની સતત ત્રીજી હાર છે. સાઈના અને સમીર બંનેને આગામી અઠવાડિયે ગુઆંગઝૂ કોરિયા માસ્ટર્સ સુપર ૩૦૦ ટૂર્નામેન્ટ રમવાની છે.

સાઈના નેહવાલ પ્રથમ ગેમથી જ કેઈના પડકારનો સામનો કરી શકી નહોતી. ચીની ખેલાડીએ બ્રેક સુધી ૧૧-૪ થી લીડ બનાવી લીધી અને પ્રથમ ગેમ સરળતાથી જીતી લીધી હતી. બીજી ગેમમાં સાઈના શરુમાં ૩-૦ થી આગળ હતી, પરંતુ કેઈએ સતત સાત પોઈન્ટ લઈને ૯-૪ ની લીડ બનાવી લીધી હતી.

બ્રેક બાદ તેમની લીડ ૧૭-૧૧ ની થઈ ગઈ તેમ છતાં સાઈના નેહવાલે વાપસી કરી ગેમ પોઈન્ટ બનાવ્યા અને પરંતુ તે લીડ જાળવવામાં નિષ્ફળ રહી હતી. બીજી તરફ સમીરે પ્રથમ ગેમ ગુમાવ્યા બાદ બીજી ગેમમાં વાપસી કરી હતી. ત્રીજી ગેમમાં તેમ છતાં તે સારી રમત દેખાડવામાં નિષ્ફળ રહ્યા અને તેમને હારનો સામનો કરવો પડ્યો હતો.

(2:11 pm IST)
  • આંધ્રપ્રદેશની સરકારી શાળાઓમાં અંગ્રેજી માધ્યમ કરવા મામલે સરકાર અને વિપક્ષ આમને સામને :રાજ્યની તમામ સરકારી સ્કૂલોમાં શિક્ષણનું માધ્યમ ઉર્દુ,તેલુગૂથી બદલી અંગ્રેજીમાં પરિવર્તિત કરવાના નિર્ણંય સામે જનસેવા,ભાજપ અને ટીડીપી જેવા પક્ષો ઉપરાંત ઉપરાષ્ટ્રપતિ વૈંક્યા નાયડુએ પણ સરકારની ટિક્કા કરી access_time 1:08 am IST

  • ઓડ-ઇવન લાગુ કરવાનો નિર્ણય ગૈરબંધારણીયઃ સુપ્રિમ કોર્ટે દિલ્હી સરકારને નોટીસ આપીઃ શુક્રવારે આ મુદે વધુ સુનાવણી થશે access_time 3:37 pm IST

  • રાજકોટમાં ચાંદી રૂ.૯૦૦ ઉછળી, સોનું રૂ.૧૫૦ વધ્યું ટ્રમ્પે ચીન સામે બોર્ડર એગ્રીમેન્ટની નવી શરત મૂકતાં ટ્રેડવોરનું સમાધાન ટલ્લે ચડતાં વિશ્વમાર્કેટમાં સોનું-ચાંદી સુધરતાં લોકલ માર્કેટમાં અસર જોવા મળીઃ રાજકોટમાં સોનુ ૧૦ ગ્રામના રૂ.૩૯૫૫૦, હોલમાર્કના રૂ.૩૮,૫૦૦ અને ચાંદીના એક કિલોના રૂ.૪૬,૦૦૦ access_time 6:02 pm IST