Gujarati News

Gujarati News

News of Sunday, 13th October 2019

પુણે ટેસ્ટ : ભારતની ઇનિંગ્સ અને ૧૩૭ રને શાનદાર જીત

દક્ષિણ આફ્રિકા પર શ્રેણી ૨-૦થી જીતી લીધી : કોહલીના ૨૫૪ રન બાદથી ભારતીય બોલરોની શાનદાર બોલિંગ સામે આફ્રિકાના બેટ્સમેનો બંને ઇનિંગ્સમાં ફ્લોપ

પુણે,તા.૧૨ : ટીમ ઇન્ડિયાએ પુણે ટેસ્ટમાં દક્ષિણ આફ્રિકાને એક ઇનિંગ્સ અને ૧૩૭ રને હાર આપીને ત્રણ ટેસ્ટ મેચોની શ્રેણી ૨-૦થી જીતી લીધી છે. કેપ્ટન વિરાટ કોહલીના અણનમ ૨૫૪ રન બાદ ભારતીય બોલરોના શાનદાર દેખાવના પરિણામ સ્વરુપે ભારતે આ ટેસ્ટ મેચ ચોથા દિવસે જ પોતાના નામ ઉપર કરી હતી. પ્રથમ ઇનિંગ્સમાં ૨૭૫ રન પર ઓલઆઉટ થઇ ગયા બાદ દક્ષિણ આફ્રિકાને કેપ્ટન વિરાટ કોહલીએ ફોલોઓનની ફરજ પાડી હતી અને બીજી ઇનિંગ્સમાં આફ્રિકાના બેટ્સમેન ફરી એકવાર નિસહાય દેખાયા હતા. બીજી ઇનિંગ્સ ચોથા દિવસે અંતિમ સેશનમાં ટી બાદ પૂર્ણ થઇ ગઈ હતી. ટીમ ઇન્ડિયાએ આ ટેસ્ટ મેચમાં વિરાટ કોહલીની બેવડી સદી અને મયંક અગ્રવાલના ૧૦૮ રનની મદદથી પ્રથમ ઇનિંગ્સમાં પાંચ વિકેટે ૬૦૧ રન બનાવ્યા હતા. મહેમાન દક્ષિણ આફ્રિકાની ટીમ પોતાની બે ઇનિંગ્સ ૨૭૫ અને ૧૮૯ રનમાં ઓલઆઉટ થઇ ગઇ હતી. આની સાથે જ બંને ઇનિંગ્સ મળીને પણ આફ્રિકાની ટીમ ભારતના સ્કોર સુધી પહોંચી શકી ન હતી.

               ટીમ ઇન્ડિયાના તમામ બોલરોએ જોરદાર દેખાવ કર્યો હતો. આફ્રિકાના બેટ્સમેનો મેદાન ઉપર ટકી શક્યા નહતા. જે પીચ ઉપર દક્ષિણ આફ્રિકાની ટીમ ઝડપી અને સ્પીન બોલિંગ સામે નિસહાય દેખાઈ હતી ત્યાં ભારતીય ૂબોલરોએ શાનદાર રમત દર્શાવી હતી. બીજી ઇનિંગ્સમાં ઉમેશ, રવિચંદ્રન અશ્વિન અને જાડેજાએ બે-બે વિકેટ ઝડપી હતી. પ્રથમ ઇનિંગ્સમાં ઉમેશ યાદવે ત્રણ અને રવિચંદ્રન અશ્વિને ૪ વિકેટ ઝડપી હતી. ટીમ ઇન્ડિયાના ત્રણ ઝડપી બોલરોએ પણ ઉપયોગી બોલિંગ કરી હતી. સ્પીનર અશ્વિન અને જાડેજાએ પણ વિકેટો મેળવી હતી. શનિવારના દિવસે આફ્રિકાની ટીમ પ્રથમ ઇનિંગ્સમાં ૨૭૫ રનમાં ઓલઆઉટ થઇ ગઇ હતી. મેચના ચોથા દિવસે ફોલોઓનની ફરજ પડ્યા બાદ આફ્રિકા ટીમ કોઇ પ્રભાવ પાડી શકી ન હતી. પ્રથમ ઇનિંગ્સના આધાર પર ૩૨૬ રનની લીડ મેળવનાર ટીમ ઇન્ડિયા એક સમયે ૪૦૦ રનની લીડ મેળવશે પરંતુ નવમી વિકેટની ભાગીદારીમાં પ્રથમ ઇનિંગ્સમાં કેશવ મહારાજ (૭૨) અને ફિલાન્ડર (૪૪) નવમી વિકેટની ભાગીદારીમાં ઉપયોગી રન બનાવીને ટીમના સ્કોરને સન્માનજનક સુધી પહોંચાડ્યો હતો.

આ જોડીએ ભારતીય ટીમને આગામી ૨૫૯ બોલ સુધી વિકેટથી દૂર રાખવામાં સફળતા મેળવી હતી. નવમી વિકેટની ભાગીદારીમાં ૧૦૯ રન ઉમેર્યા હતા. શ્રેણીની ત્રીજી અને અંતિમ ટેસ્ટ મેચ ૧૯મી ઓક્ટોબરથી રાંચીમાં રમાશે. આ ટેસ્ટ મેચમાં વિરાટ કોહલી ટેસ્ટ ક્રિકેટમાં સૌથી વધારે બેવડી સદી ફટકારનાર ભારતીય બેટ્સમેન બની ગયો હતો. કોહલીએ ૮૧મી ટેસ્ટ મેચ રમતા ૧૩૮મી ઇનિંગ્સમાં આ સિદ્ધિ હાંસલ કરી હતી. સચિન તેંડુલકરે ૨૦૦ ટેસ્ટ મેચોમાં ૩૨૯ ઇનિંગ્સમાં તથા વિરેન્દ્ર સહેવાગે ૧૦૪ ટેસ્ટ મેચની ૧૮૦ ઇનિંગ્સમાં છ-છ બેવડી સદી ફટકારી હતી. અત્રે ઉલ્લેખનીય છે કે, ભારત વિશાખાપટ્ટનમ ખાતે રમાયેલી પ્રથમ ટેસ્ટ મેચને જંગી અંતરથી જીતીને શ્રેણીમાં ૧-૦ની લીડ મેળવી હતી.

ઉમેશે વાપસી કરી.......

પુણે, તા. ૧૩: પુણે ટેસ્ટ મેચમાં ભારતીય બોલરોની શાનદાર બોલિંગ રહી છે. ઉમેશ યાદવે ટેસ્ટની બંને ઇનિંગ્સમાં બોલિંગ કરી છે. તેની બોલિંગ નીચે મુજબ રહી છે.

પ્રથમ ઇનિંગ્સ

ઓવર............................................................. ૧૩

મેઇડન............................................................ ૦૨

રન................................................................. ૩૭

વિકેટ.............................................................. ૦૩

ઇકોનોમિક................................................... ૨.૮૪

બીજી ઇનિંગ્સ

ઓવર............................................................. ૦૮

મેઇડન............................................................ ૦૩

રન................................................................. ૨૨

વિકેટ.............................................................. ૦૩

ઇકોનોમિક................................................... ૩.૭૭

સ્કોરબોર્ડ

ભારત પ્રથમ દાવ : ૬૦૧-૫(ડિક)

આફ્રિકા પ્રથમ દાવ :

 

 

એલ્ગર

બો. યાદવ

૦૬

મારક્રમ

એલબી બો. યાદવ

૦૦

બ્રુયન

કો. સાહા બો. યાદવ

૩૦

બાઉમા

કો. સહા બો. સમી

૦૮

નોર્જે

કો. કોહલી બો. સામી

૦૩

ડુપ્લેસીસ

કો. રહાણે બો. અશ્વિન

૬૪

ડીકોક

બો. અશ્વિન

૩૧

મુથુસ્વામી

અલબી જાડેજા

૦૭

ફિલાન્ડર

અણનમ

૪૪

મહારાજ

કો. રોહિત શર્મા બો. અશ્વિન

૭૨

રબાડા

એલબી બો. અશ્વિન

૦૨

વધારાના

 

૦૮

કુલ              (૧૦૫.૪ ઓવરમાં ઓલઆઉટ)       ૨૭૫

પતન : ૧-૦૨, ૨-૧૩, ૩-૩૩, ૪-૪૧, ૫-૫૩, ૬-૧૨૮, ૭-૧૩૯, ૮-૧૬૨, ૯-૨૭૧, ૧૦-૨૭૫

બોલિંગ : ઇશાંત : ૧૦-૧-૩૬-૦, યાદવ : ૧૩-૨-૩૭-૩, જાડેજા : ૩૬-૧૫-૮૧-૧, સામી : ૧૭-૩-૪૪-૨, અશ્વિમઃ ૨૮.૪-૯-૬૯-૪, રોહિતઃ ૧-૧-૦-૦

આફ્રિકા બીજો દાવ : (ફોલોઓન)

મારક્રમ

એલબી બો. શર્મા

૦૦

એલ્ગર

કો. યાદવ બો. અશ્વિન

૪૮

બ્રુયન

કો. સહા બો. યાદવ

૦૮

ડુપ્લેસીસ

કો. સહા બો. અશ્વિન

૦૫

બાઉમા

કો. રહાણે બો. જાડેજા

૩૫

ડીકોક

બો. જાડેજા

૦૫

મુત્થુસ્વામી

કો. રોહિત બો. સામી

૦૯

ફિલાન્ડર

કો. સહા બો. યાદવ

૩૭

મહારાજ

એલબી બો. જાડેજા

૨૨

રબાડા

કો. રોહિત બો. યાદવ

૦૪

નોર્જ

અણનમ

૦૦

વધારાના

 

૧૩

કુલ              (૬૭.૨ ઓવરમાં ઓલઆઉટ) ૧૮૯

પતન : ૧-૦, ૨-૨૧, ૩-૭૦, ૪-૭૧, ૫-૭૯, ૬-૧૨૫, ૭-૧૨૯, ૮-૧૮૫, ૯-૧૮૯, ૧૦-૧૮૯.

બોલિંગ : ઇશાંત : ૫-૨-૧૭-૧, યાદવ : ૮-૩-૨૨-૩, સામી : ૯-૨-૩૪-૧, અશ્વિન : ૨૧-૬-૪૫-૨, જાડેજા : ૨૧.૨-૪-૫૨-૩, રોહિતઃ ૨-૦-૪-૦, કોહલી : ૧-૦-૪-૦

(7:56 pm IST)