Gujarati News

Gujarati News

News of Thursday, 13th September 2018

સૈફ કપમાં ભારતે પાકિસ્તાનને 3-1થી હરાવ્યું

નવી દિલ્હી: મનવીર સિંઘે બે અને સુમિત પાસ્સીના એક ગોલને સહારે ભારતે ૩-૧થી પાકિસ્તાનને હરાવીને સાઉથ એશિયન ફૂટબોલ ફેડરેશનની ( સાફ) ચેમ્પિયનશીપની ફાઈનલમાં પ્રવેશ મેળવી લીધો હતો. હવે ફાઈનલમાં ભારતનો મુકાબલો તારીખ ૧૫મી સપ્ટેમ્બરને શનિવારે માલદિવ સામે થશે. બીજી સેમિ ફાઈનલમાં માલદિવે ૩-૦થી નેપાળને પરાસ્ત કર્યું હતુ. ભારત અને પાકિસ્તાન વચ્ચેની હાઈવોલ્ટેજ સેમિ ફાઈનલમાં પ્રથમ હાફમાં બંનેમાંથી કોઈ ટીમ ગોલ ફટકારી શકી નહતી. જોકે બીજા હાફની શરૃઆતમાં જ મનવીર સિંઘના ગોલને સહારે ભારતને ૧-૦થી સરસાઈ મળી ગઈ હતી. આ પછી મનવીરે મેચની ૬૯મી મિનિટે બીજો ગોલ ફટકારતાં ભારતની જીતને લગભગ નિશ્ચિત કરી દીધી હતી. સુમિત પાસ્સીએ ૮૪મી મિનિટે ફટકારેલા ગોલને સહારે ભારતની સરસાઈ ૩-૦ થઈ ગઈ હતી. આખરી બે મિનિટ બાકી હતી, ત્યારે હસન બશીરે પાકિસ્તાન તરફથી એકમાત્ર ગોલ નોંધાવ્યો હતો. 

(5:56 pm IST)
  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST

  • તાપી:કાકરાપાર પોલીસ મથકમાં નોંધાયેલ 12 વર્ષીય બળા સાથેનો દુષ્કર્મ મામલો:બાળકીની માતા દ્વારા બાળકીના પિતા અને અન્ય એક વ્યક્તિ પર કરાઈ હતી બળાત્કાર ની ફરિયાદ: બાળકીએ સુરત સિવિલમાં હાલ થોડા દિવસ અગાઉ આપ્યો હતો બાળકને જન્મ:બાળકના ડીએનએ શકમંદો સાથે ટેસ્ટ કરતા થયો ખુલાસો:શકમંદ પિતા અને અન્ય એક ઈસમના ડીએનએ બાળક સાથે મેચ ન થયા:પોલીસે વધુ તપાસ હાથ ધરી access_time 12:03 am IST

  • નરેન્દ્રભાઈ મોદી તેમનો ૬૮મો જન્મદિવસ વારાણસીમાં ઉજવશે access_time 4:05 pm IST