Gujarati News

Gujarati News

News of Wednesday, 13th June 2018

કાલે ભારત સામે ડેબ્યુ કરનારી ચોથી ટીમ બનશે અફઘાનિસ્તાન

વિરાટના સ્થાને રહાણે કેપ્ટન : લોકેશ રાહુલને તક મળશે?

ગુરુવારથી ભારત-અફદ્યાનિસ્તાન વચ્ચે ઐતિહાસિક ટેસ્ટ, ભારત વિરુદ્ઘ ડેબ્યુ કરનારી ચોથી ટીમ બનશે અફઘાનિસ્તાન : તેની સાથે જ અફદ્યાનિસ્તાન ભારત વિરુદ્ઘ ડેબ્યુ કરનારી ચોથી ટીમ બનશે. આ અગાઉ પાકિસ્તાન, ઝિમ્બાબ્વે અને બાંગ્લાદેશે પણ ભારત વિરુદ્ઘ પોતાની પ્રથમ ટેસ્ટ મેચ રમી હતી.

વિરાટ કોહલી ઈજાને કારણે અફઘાનિસ્તાન સામેની ટેસ્ટ મેચ નહીં રમે. તેના બદલે અજિંકય રહાણે કેપ્ટનશિપ કરશે. ભારતીય ટીમમાં ટેસ્ટ સ્પેશિયાલિસ્ટ બેટ્સમેન મુરલી વિજય, ચેતેશ્વર પૂજારા તથા બોલરમાં ઈશાંત શર્મા, રવિન્દ્ર જાડેજા, રવિચંદ્રન અશ્વિનનો સમાવેશ કરવામાં આવ્યો છે.

ભારતને ટક્કર આપવા અફઘાનિસ્તાને ટેસ્ટ ટીમમાં રાશીદ ખાન સહિત ૪ સ્પીનરોને સામેલ કર્યા છે. રાશીદ ખાનની બોલિંગનો પરચો આઇપીએલમાં ભારતીય બેટ્સમેનોને મળી ચૂકયો છે.

શિખર ધવન અને મુરલી વિજય ભારતના નિયમિત ઓપનર રહ્યા છે. લોકેશ રાહુલ આઈપીએલમાં જોરદાર પ્રદર્શન દ્વારા પોતાનો દાવો મજબૂત કર્યો છે. ટેસ્ટ ક્રિકેટ અલગ ફોર્મેટ હોવાને કારણે કદાચ રાહુલને રાહ જોવી પડી શકે છે. રાહુલને મિડલ ઓર્ડરમાં તક મળે તેવી શકયતા છે.

(3:39 pm IST)
  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST

  • રીચર્ડ હેડલીને કેન્સર, ઓપરેશન કરાયુ : ન્યુઝીલેન્ડના પૂર્વ ક્રિકેટર રીચર્ડ હેડલીને કેન્સર, તબીબો દ્વારા ટ્યુમરનું ઓપરેશન કરવામાં આવ્યુ : ૬૬ વર્ષના હેડલીને કીમોથેરાપી કરવામાં આવશે. ૪૦૦ વિકેટ લેનાર પ્રથમ બોલર બનેલા : ૧૯૯૦માં ક્રિકેટમાંથી નિવૃતિ લીધી હતી access_time 3:38 pm IST

  • અમરેલી જિલ્લા પોલીસ બેડામાં ધરખમ ફેરફાર : જિલ્લાના 18 પોલીસ અધિકારીઓની અરસપરસ બદલી : અન્ય 28 પોલીસ કર્મીઓને એલસીબી, એસઓજી, પેરોલ્ફલો સ્કોવ્ડ્માં નિમણૂકના હુકમો કરતા એસપી શ્રી નિર્લિપ્ત રાય : ધારી સીપીઆઈના શ્રી પી.વી.જાડેજાને સાવરકુંડલા ટાઉન પીઆઇની ફરજ સોંપાઈ access_time 11:00 pm IST