Gujarati News

Gujarati News

News of Tuesday, 13th March 2018

યુકી ભાંબરીની ઇન્ડિયન વેલ્સ ટુર્નામેન્ટમાં જીત

નવી દિલ્હી:ભારતના ડેવીસ કપ ખેલાડી યુકી ભાંબરીએ પોતાના કરીયરની સૌથી મોટી જીત મેળવીને દુનિયાના ૧૨માં નંબરના ખેલાડી લુકાસ પોઉલેને હરાવીને ઈન્ડિયન વેલ્સ માસ્ટર્સના ત્રીજા રાઉન્ડમાં પ્રવેશ કરી લીધો છે. દુનિયાના ૧૧૦ નંબરના ખેલાડી યુકીએ નવમી વરીયતા પ્રાપ્ત ફ્રાંસીસી ખેલાડીને એક કલાક ૧૪ મિનિટમાં ૬-૪, ૬-૪થી હરાવ્યો. યુકીએ ક્વોલિફાઈંગ તબક્કો જીતીને મુખ્ય ડ્રોમાં જગ્યા બનાવી લીધી છે. તેમના કરીયરની આ સૌથી મોટી જીત છે. તેમણે ઓગસ્ટ ૨૦૧૭માં સિટી ઓપનમાં ગત ચેમ્પિયન અને દુનિયાની ૨૨મી નંબરના ખેલાડી ગાએલ મોંફિલ્સને હરાવીને સનસની મચાવી દીધી હતી. તેમણે ચેન્નાઈ ઓપન ૨૦૧૪માં દુનિયાના ૧૬માં નંબરના ખેલાડી ફેબિયો ફોગનિનીને હરાવ્યો હતો. પરંતુ ઈટલીના ખેલાડીએ ફિટનેસ કારણોથી કોર્ટ છોડી દીધો હતો. આ જીત સાથે યુકી ભાંબરીને ૪૫મો રેકિંગ અંક અને ૪૭૧૭૦ ડોલર મળશે. ત્યારે હવે યુકીનો સામનો દુનિયામાં ૨૧મો ક્રમાંક ધરાવતા ખેલાડી અમેરિકાના સૈમ ક્વેરી સામે થશે. 

(5:23 pm IST)
  • ટ્રમ્પને હાઈસકારોઃ રશીયા સાથેની સાંઠગાંઠ અંગે પુરાવા ન મળ્યાઃ અમેરિકી પ્રમુખ પદની ચૂંટણીમાં પ્રમુખ ડોનાલ્ડ ટ્રમ્પ અને રશીયા સાથે સાંઠગાંઠના આક્ષેપો અંગે કોઈ જ પુરાવા ન હોવાનું અમેરિકી રીપબ્લિકન હાઉસ પેનલે જાહેર કરેલ છે access_time 11:29 am IST

  • નેપાળના પ્રેસિડેન્ટ તરીકે વિદ્યાદેવી ભંડારી ફરી વખત ચૂંટાઈ આવ્યા:2015ની સાલમાં નેપાળના સૌપ્રથમ મહિલા પ્રેસિડન્ટ બન્યા બાદ બીજી ટર્મમાં પણ જંગી બહુમતીથી ચૂંટાઈ આવ્યા. access_time 6:24 pm IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST