Gujarati News

Gujarati News

News of Tuesday, 13th March 2018

કાંગારૂઓ હાર્યા : રબાડાએ ૪ વખત ૧૦થી વધુ વિકેટ લઈ વકાર યુનુસના રેકોર્ડની બરાબરી કરી

બીજા દાવમાં ઓસ્ટ્રેલિયા ૨૩૯માં ઓલઆઉટ : આફ્રિકાએ ૪ વિકેટે ૧૦૧ રન બનાવી લીધા

ઓસ્ટ્રેલિયા સામે ટેસ્ટ સિરીઝની બીજી મેચમાં યજમાન સાઉથ આફ્રિકાએ વળતો હુમલા કરતા ૬ વિકેટે જીત મેળવી છે. આ જીત સાથે ટેસ્ટ સીરીઝ હવે ૧-૧થી બરોબર થઈ ગઈ છે.

પોર્ટ એલિઝાબેથ ટેસ્ટના ચોથા દિવસે ઓસ્ટ્રેલિયા બીજી ઈનીંગ્સમાં ૨૩૯ રનમાં ઓલઆઉટ થયુ હતું. પહેલી ઈનીંગ્સમાં પાંચ વિકેટ લેનાર ફાસ્ટ બોલર કેગીસો રબાડાએ બીજી ઈનીંગ્સમાં પણ ૫૪ રન આપીને ૬ વિકેટ લીધી હતી. પહેલી ઈનીંગ્સમાં મળેલી ૧૩૯ રનની લીડને કારણે સાઉથ આફ્રિકાને જીતવા માટે ૧૦૧ રનનો લક્ષ્યાંક મળ્યો હતો. જે તેણે ચાર વિકેટ ગુમાવીને મેળવી લીધો હતો. આ મેચમાં એ. બી. ડિવિલિયર્સે પહેલી ઈનીંગ્સમાં શાનદાર નોટઆઉટ ૧૨૬ રન કર્યા હતા.

આ મેચમાં મેન ઓફ ધ મેચ જાહેર થયેલા રબાડાએ ૧૫૦ રનમાં કુલ ૧૧ વિકેટ લીધી હતી. ૨૨ વર્ષના બોલરે અત્યાર સુધી કુલ ૨૮ મેચમાં ચાર વખત ટેસ્ટમાં ૧૦ કરતા વધુ વિકેટ લીધી છે. અગાઉ આટલી નાની ઉંમરમાં આ સિદ્ધિ પાકિસ્તાનના બોલર વકાર યુનુસે મેળવી હતી. જો કે તે રબાડા કરતા ૭ ટેસ્ટ વધુ રમ્યો હતો.

(3:41 pm IST)
  • 'મેરી સબસે ફેવરીટ માધુરી દીક્ષિત કે સાથ' : બોલીવુડ કલાકાર જેકી શ્રોફે માધુરી દીક્ષિત સાથે તો પોતાનો ફોટો ટ્વિટર ઉપર મુકી આવી નોંધ કરી છે access_time 3:39 pm IST

  • સીરિયામાં સતત હવાઈ હુમલા અંગ અમેરીકાએ બોલાવી તાકિદની બેઠક : અમેરીકી અધિકારીઓએ જણાવ્યું કે, સતત હવાઈ હુમલાના અહેવાલો સાચા સાબીત થશે તો સીરિયા દ્વારા યુદ્ધ વિરામનો ભંગ ગણવામાં આવશે : તેઓએ વધુમાં જણાવ્યું કે, અમે બધા પક્ષોને આગ્રહ કર્યો છે કે તે કોઈ એવી કાર્યવાહિ ન કરે, જેનાથી યુદ્ધ વિરામની સ્થિતી જોખમાય, આ સ્થિતીની સમીક્ષા કરવા અને યુદ્ધ વિરામની સ્થિતી જળવાઈ રહે તે માટે અમે (અમેરીકાએ) જોર્ડનમાં એક તાકિદની બેઠક બોલાવી છે access_time 12:53 pm IST

  • કેજરીવાલને લાગ્યો વધુ એક મોટો ઝટકો : તેમના મુખ્ય સલાહકાર વી.કે. જૈનએ આપ્યું રાજીનામું : પારિવારિક અને અંગત કારણોસર રાજીનામું આપ્યું હોવાનું જણાવ્યું : તાજેતરમાં દિલ્હી CM ઓફિસમાં AAPના વિધાયકોએ મુખ્ય સચિવ સાથેની મારપીટ બાબતે વી.કે. જૈનની પોલીસે પૂછપરજ કરી હતી અને આ પછીજ તેમણે રાજીનામું ફગાવ્યું હોય, દિલ્હી સચિવાલયમાં ચર્ચાઓનું બજાર ગરમી પકડી રહ્યું છે. access_time 2:53 pm IST