Gujarati News

Gujarati News

News of Sunday, 13th January 2019

ભારત-ઓસીઝ વચ્ચે પ્રથમ વન-ડેમાં રાયડુની બોલિંગ પર ઉઠ્યા સવાલ : ICC કરશે તપાસ

અંતિમ રિપોર્ટ આવતા સુધી રાયડૂને બોલિંગ કરવા મંજૂરી

સિડનીના ક્રિકેટ ગ્રાઉન્ડમાં રમાયેલી ભારત અને ઓસ્ટ્રેલિયા વચ્ચેની પ્રથમ મેચમાં કાંગારું ટીમનો ૩૪ રને વિજય થયો હતો, જયારે રોહિત શર્માની શાનદાર સદી બાદ પણ ભારતીય ટીમે હારનો સ્વાદ ચાખ્યો હતો. બીજી બાજુ આ હાર બાદ ભારતને વધુ એક ઝટકો લાગ્યો છે.સિડની વન-ડેમાં ભારતીય ટીમના પાર્ટ ટાઈમ બોલર અંબાતી રાયડુની બોલિંગ એક્શન પર સવાલો ઉભા થયા છે, ત્યારબાદ હવે ICC (ઇન્ટરનેશનલ ક્રિકેટ કાઉન્સિલ) દ્વારા તપાસ કરવામાં આવશે.

 રાયડુએ પહેલી વન-ડેમાં ૨ ઓવરની બોલિંગ કરી હતી અને જેમાં ૧૩ રન આપ્યા હતા.

ICC  દ્વારા ટ્વિટ કરતા આ જાણકારી આપી છે. આઈસીસીના જણાવ્યા મુજબ, શંકાસ્પદ બોલિંગ એક્શન માટે અંબાતી રાયડુની ફરિયાદ નોંધવામાં આવી છે.

 હવે રાયડુને આગામી ૧૪ દિવસોમાં પોતાની બોલિંગ એક્શનની તપાસ કરાવવી પડશે. જો કે અંતિમ રિપોર્ટ સામે આવતા સુધી રાયડુને બોલિંગ કરવા માટેની અનુમતિ આપવામાં આવી છે.

  અત્રે ઉલ્લેખનીય છે કે, ઓસ્ટ્રેલિયાએ નિર્ધારિત ૫૦ ઓવરમાં ૫ વિકેટના નુકશાને ૨૮૮ રન બનાવ્યા હતા અને ભારતને ૨૮૯ રનનો ટાર્ગેટ આપ્યો હતો. પરંતુ ભારતીય ટીમ ૨૫૪ રન જ બનાવી શકી હતી અને ૩૪ રને હારનો સ્વાદ ચાખ્યો હતો.

(9:04 pm IST)
  • જસ્ટિસ સીકરીએ સરકારી ઓફર નકારી, સી.એસ.ટી. માટે પાછી ખેંચી સંમતિ:કોંગ્રેસ અધ્યક્ષ રાહુલ ગાંધીએ ટ્વિટ કહી કહ્યું કે, ‘જ્યારે ન્યાયના માપદંડ સાથે ચેડા થાય છે ત્યારે અરાજકતાનું રાજ થઇ જાય છે.’:કોમનવેલ્થ ટ્રાયબ્યુનલના પદ માટે સીકરીની સંમતિ ‘મૌખિક રીતથી’ લેવાઈ હતી. access_time 1:39 am IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • અમદાવાદ બાવળા રોડ પર ફાયરીંગમાં બે વ્‍યકિતના મોત જમીન પ્રશ્‍ન થયું ફાયરીંગ : બંનેના મૃતદેહ હોસ્‍પિટલમાં ખસેડાયા : ઘટના સ્‍થળે પોલીસ દોડી ગઇ : તપાસનો ધમધમાટ access_time 3:32 pm IST