Gujarati News

Gujarati News

News of Tuesday, 12th November 2019

ચાહકોના મતે ડીઆરએસ એટલે ડોન્‍ટ આસ્‍ક રિષભ સિસ્‍ટમ

નાગપુરઃ ઇન્‍ડિયન ક્રિકેટ ટીમના વિકેટકીપર રિષભ પંત માટે બંગલા દેશ સામેની ટીર૦ સિરીઝ માથાનો દુખાવો બની રહી હતી એમ કહી શકાય, કારણ કે પહેલી બે મેચમાં પંતની ભૂલો ટીમને ભારે પડી હતી. જોકે બીજી મેચ સદ્‌નસીબે ઇન્‍ડિયા જીતી ગયું હતું. ત્રીજી અને નિર્ણાયક મેચમાં તે કોઈ ભૂલ ન કરે એવી જ ચાહકો આશા રાખી રહ્યા હતા, પણ એના પર પાણી ફરી વળ્‍યું હતું અને પંતે ફરી એક વાર ભૂલ કરી હતી.

પહેલી ટીર૦ મેચમાં જે પ્રમાણે પંતે ડીઆરએસ માટે સલાહ આપી હતી એ ખોટી સાબિત થઈ હતી એ જ પ્રમાણેની ભૂલ નાગપુરની મેચમાં રિપીટ થઈ હતી. ખલીલ અહમદે મોહમ્‍મદ નઈમને જયારે શોર્ટ ડિલિવરી નાખીને બોલ પંતના હાથમાં ગયો એટલે તેણે આઉટની માગણી કરી ડીઆરએસ લેવાની સલાહ આપી હતી. જોકે એ સમયે સ્‍ટેડિયમમાં ધોની ધોનીની બૂમો સંભળાઈ હતી.

પંતની ખોટી સલાહને લીધે તે સોશ્‍યલ મીડિયામાં ટ્રોલ થયો હતો અને ટીકાકારોએ તો ડીઆરએસનું ફલફોર્મ જ બદલીને ‘ડોન્‍ટ આસ્‍ક રિષભ સિસ્‍ટમ' કરી દીધું હતું, જેને વાઇરલ થતાં જરાય વાર નહોતી લાગી.

(4:43 pm IST)
  • મોડીરાત્રે રાજકોટના રાજનગર ચોકમાં બબાલ: દારૂ સાથે બે નામચીન શખ્શોએ આતંક મચાવ્યો: છરી સાથે દુકાનો અને હોસ્પિટલ બંધ કરાવી : ક્રાઇમ બ્રાન્ચ અને માલવિયા પોલીસ ઘટના સ્થળે પહોંચી access_time 12:12 am IST

  • જામનગરમાં પટેલ પાર્ક પાસે ફાયરિંગ: એક્સ આર્મીમેને શ્રમિક પર ફાયરિંગ કર્યું : ઘાયલ શ્રમિકને સારવાર માટે જી જી હોસ્પિટલમાં ખસેડવામાં આવ્યો: જિલ્લા પોલીસવડા સહિતનો પોલીસ કાફલો ઘટનાસ્થળે પહોંચ્યો : ફાયરિંગ કરી એક્સ આર્મીમેન ફરાર access_time 10:37 pm IST

  • ઘોર કળીયુગ : ત્રણ દિવસમાં નિવૃત થવાના હતા પિતા : રહેમરાહે નોકરીની લાલચમાં પુત્રએ પતાવી દીધા : છત્તીસગઢમાં જશપુર જિલ્લામાં અનુકંપા પર નિયુક્તિની લાલચમાં એક યુવકે પોતાના પિતાની હત્યા કરી : યુવક અને તેના બે સાગરીતોને પોલીસે ઝડપી લીધા: સન્ના થાણા ક્ષેત્રમાં મહાબીર સાયની હત્યાના આરોપમાં પોલીસે તેના પુત્ર જીવન સાય અને તેના બે સહયોગીની ધરપકડ કરી :સન્નાના જંગલમાં મહાબીર સાયની લાશ મળી હતી access_time 1:11 am IST