Gujarati News

Gujarati News

News of Wednesday, 11th September 2019

કેપ્ટન શુભમન ગિલ સદી ચુકી ગયો પરંતુ દક્ષિણ આફ્રિકા સામેની ક્રિકેટ મેચમાં ભારત-એની ટીમે ૧૩૯ રનની લીડ મેળવી

તિરૂવનંતપુરમઃ કેપ્ટન શુભમન ગિલ સદી ચુકી ગયો પરંતુ 90 રનની તેની ઈનિંગથી ભારત Aએ દક્ષિણ આફ્રિકા A વિરુદ્ધ પ્રથમ બિનસત્તાવાર ટેસ્ટ મેચના બીજા દિવસે મંગળવારે પ્રથમ ઈનિંગમાં 303 રન બનાવી 139 રનની લીડ હાસિલ કરી હતી. આ ચાર દિવસીય મુકાબલામાં ભારત એ માટે જલજ સક્સેનાએ પણ અણનમ 61 રન બનાવ્યા હતા.

દિવસની રમત પૂરી થયા સુધી ભારત Aએ દક્ષિણ આફ્રિકા Aની બીજી ઈનિંગમાં 125 રન પર પાંચ વિકેટ ઝડપી લીધી છે. દક્ષિણ આફ્રિકા એ હજુ પણ ભારત એથી 14 રન પાછળ છે. દક્ષિણ આફ્રિકા એ પ્રથમ ઈનિંગમાં 164 રનમાં ઓલઆઉટ થઈ ગયું હતું. ભારત એએ દિવસની શરૂઆત 2 વિકેટ પર 129 રનથી કરી જ્યારે ગિલ 66 અને અંકિત બાવને 6 રન પર રમી રહ્યો હતો.

બાવને પરંતુ કાલના સ્કોરમાં કોઈપણ રન જોડ્યા વિના બીજી ઓવરમાં માર્કો જોનસેનની બોલિંગમાં બોલ્ડ થયો હતો. ગિલે ત્યારબાદ કોના ભરત (33)નો સાથ મળ્યો અને બંન્નેએ ચોથી વિકેટ માટે 44 રનની ભાગીદારી કરી હતી. ડેન પીટે ગિલને બોલ્ડ કરીને ભાગીદારી તોડી હતી. તેણે 153 બોલમાં 13 ચોગ્ગા અને 1 છગ્ગો ફટકાર્યો હતો.

ભારતીય ટીમ 200 રન પહેલા સાત વિકેટ ગુમાવીને થોડી મુશ્કેલીમાં હતી પરંતુ સક્સેના અને શાર્દુલ ઠાકુર (34) વચ્ચે સદીની ભાગીદારીની મદદથી ટીમ 300ની નજીક પહોંચી અને લીડ પાક્કી કરી હતી. ઓલરાઉન્ડર સક્સેનાએ 96 બોલ પર 11 ચોગ્ગા ફટકાર્યા હતા. દક્ષિણ આફ્રિકા એ માટે લુંગી એનગિડી અને પીટ 3-3 વિકેટ ઝડપી, જ્યારે જોનસેન અને લુથો સિપામલાને 2-2 સફળતા મળી હતી.

સાઉથ આફ્રિકા એની બીજી ઈનિંગમાં પણ શરૂઆત ખરાબ રહી હતી. ટીમે 52 રન સુધી ચાર વિકેટ ગુમાવી દીધી હતી. જુબેર હમજાએ 44 અને હેનરિક ક્લાસેને અણનમ 35 રન બનાવી ટીમની સ્થિતિને સંભાળી હતી. દિવસની રમત પૂરી થઈ ત્યારે ક્લાસેનની સાથે ક્રીઝ પર વિઆન મુલદેર (12) હાજર હતો. શાહબાઝ નદીમે બીજી ઈનિંગમાં 2, જ્યારે સિરાજ, ઠાકુર અને કૃષ્ણપ્પા ગૌતમે એક-એક વિકેટ ઝડપી હતી.

(5:20 pm IST)
  • સચિવાલય અનેવિધાનસભા માં પ્રવેશ લેવા માટે હેલ્મેટ અને સીટબેલ્ટ ફરજીયાત: ,સચિવાલય અને વિધાનસભાના તમામ ગેટ ઉપર હાથ ધરાશે ચેકીંગ access_time 8:56 pm IST

  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST

  • હિન્દુસ્તાન પેટ્રોલીયમના પ્લાન્ટમાં મોટી દુર્ઘટનાઃ ટેન્ક આખી ફાટીઃ યુપીના ઉન્નવ પાસે કેટલાક ગામડાઓ ખાલી કરાવાયા access_time 12:26 pm IST