Gujarati News

Gujarati News

News of Tuesday, 12th February 2019

ટીમમાં પસંદગી ન થતાં ખેલાડીએ કર્યો ભૂતપૂર્વ બોલર અમિત ભંડારી પર હુમલો

દિલ્હી ક્રિકેટ ર્બોડની સિલેકશન કમિટીના અધ્યક્ષ સ્ટેડિયમમાં હતા ત્યારે અન્ડર-૨૩ની ટીમમાં સિલેકટ ન થયેલા પ્લેયરે ગુંડાઓ દ્વારા હોકીફ-સ્ટક અને સળિયા વડે કર્યો હુમલોઃ ગૌતમ ગંભીરે આવા ખેલાડીઓ પર આજીવન પ્રતિબંધ મૂકવાની કરી માગણી

ભારતીય ટીમના ભૂતપૂર્વ બોલર અને દિલ્હી એન્ડ ડિસ્ટિક્ષ્કટ ક્રિકેટ અસોસિએશનની સિનિયર સિલેકશન કમિટીના ચેરમેન અમિત ભંડારી પર અન્ડર-૨૩ ટીમમાં સિલેકટ ન થયેલા ખેલાડીની આગેવાનીમાં કેટલાક અજાણ્યા લોકોએ હુમલો કર્યો હતો. ગઈ કાલે દિલ્હીના સેન્ટ સ્ટીફન મેદાનમાં ૨૧ ફેબ્રુઆરીથી શરૂ થનારી સૈયદ મુસ્તાક અલી ટ્રોફી માટે ટીમ તૈયારી કરી રહી હતી ત્યારે આ ઘટના બની હતી. ભંડારીના માથામાં અને કાનમાં ઈજા થતાં તેનો સાથી સુખવિન્દર સિંહ તેને સિવિલ લાઇન્સમાં આવેલી સંત પરમાનંદ હોસ્પિટલમાં લઈ ગયો હતો. ડેપ્યુટી પોલીસ-કમિશનર (નોર્થ) નુપૂર પ્રસાદે કહ્યું હતું કે શ્નઅમે આ મામલે તપાસ કરી રહ્યાં છીએ. ઈજાગ્રસ્તનું સ્ટેટમેન્ટ લીધા બાદ કેસ દાખલ કરવામાં આવશે.

પ્રાપ્ત માહિતી અનુસાર રાજયની અન્ડર-૨૩ ટીમમાં પંસદગી ન થનારા અનુજ દેઢા આ હુમલા પાછળ જવાબદાર છે, કારણ કે તેની નેશનલ અન્ડર-૨૩ વન-ડે ટીમમાં પસંદગી થઈ નહોતી. નામ ન જણાવવાની શરતે કેટલાક લોકોએ જણાવ્યું હતું કે અનુજ ઘણા સમયથી પોતાની પસંદગી માટે દબાણ કરતો હતો, પરંતુ ભંડારીએ તે સારો ન હોવાથી ના પાડી હતી. એથી તેણે ભાડૂતી ગુંડાઓની મદદથી ભંડારી પર હોકી-સ્ટિક અને સળિયાથી હુમલો કર્યો.

દિલ્હી ક્રિકેટ બોર્ડના અધ્યક્ષ રજત શર્માએ કહ્યું હતું કે મેરિટના આધારે પસંદગી ન થનાર ખેલાડી ગુંડાઓની મદદથી ટીમમાં પસંદગી માટે દબાણ કરતો હતો. એક પ્રામાણિક સિલેકટરને પોતાની ફરજ બજાવતાં રોકવામાં આવ્યો છે.

ભારતીય ટીમના ભૂતપૂર્વ ઓપનર ગૌતમ ગંભીર ગંભીરે કહ્યું હતું કે આવા ખેલાડીઓ પર આજીવન પ્રતિબંધ મૂકી દેવો જોઈએ.

(3:25 pm IST)
  • રુચિરા કાબોજ ભૂટાનમાં ભારતની નવા રાજદૂત નિયુક્ત :આગામી દિવસોમાં સાંભળશે કાર્યભાર :વરીષ્ઠ રાજનાયિક રુચિરા કાબોજને ભારતના રાજદૂત અતિકે ભૂટાનમાં નિયુક્ત કરાયા access_time 12:58 am IST

  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST

  • અમદાવાદ: મહેસાણા જિલ્લામાં હાર્દિકને પ્રવેશવા માટેની પરવાનગીનો મામલો : હાર્દિકને જિલ્લામાં પ્રવેશવું જોઈએ કે નહીં તે માટે જવાબ રજૂ કરવા હાઇકોર્ટે સરકારને આદેશ આપ્યો : જવાબ રજુ કરવા સમય માંગતા સુનાવણી ટળી access_time 12:24 am IST