Gujarati News

નવી દિલ્હી:અમેરિકાની લેજન્ડરી ટેનિસ ખેલાડી વિનસ વિલિયમ્સે ફેડ કપમાં તેની ટીમને વિજયી શરૃઆત અપાવતા નેધરલેન્ડને એરાન્ટેક્સા રુસને ૬-૧, ૬-૪ થી પરાજય આપ્યો હતો. આ સાથે વિનસે કારકિર્દીની ૧,૦૦૦ની મેચમાં ૭૭૬મો વિજય મેળવ્યો હતો. વિનસની જીત સાથે અમેરિકાએ ફેડ કપના પ્રથમ રાઉન્ડમાં ૧-૦થી સરસાઈ મેળવી લીધી હતી. જે પછી ડિફેન્ડિંગ ચેમ્પિયન ટીમ તરફથી કોકો વાન્ડેવેગ્હેએ ૪-૬, ૭-૬ (૮-૬), ૬-૩થી રિચેલ હોગેનકેમ્પને હરાવીને અમેરિકાએ ૨-૦થી સરસાઈ મેળવી લીધી હતી. ચેક રિપબ્લિકે ૩-૦થી સ્વિત્ઝર્લેન્ડને હરાવ્યું હતુ. વિનસને કારકિર્દીની માઈલસ્ટોન મેચમાં વિજય મેળવવા બદલ અમેરિકાની નોન પ્લેઈંગ કેપ્ટન કેથી રિનાલ્ડીએ અભિનંદન પાઠવ્યા હતા.