Gujarati News

Gujarati News

News of Saturday, 12th January 2019

ઓસ્ટ્રેલિયા ૨૮૮/૫ ભારતની કંગાળ શરૂઆત : ૧૪૫/૪

રતનો નબળો પ્રારંભ : માત્ર ૪ રનમાં ૩ વિકેટ પડી ગઈ'તી બાદ રોહિત - ધોનીએ બાજી સંભાળી : ધોની ૫૧ રને આઉટ

સિડની, તા.૧૨ : ભારત અને ઓસ્ટ્રેલિયા વચ્ચે ત્રણ વન-ડેની સિરીઝનો પ્રથમ વન-ડે આજે રમાઈ રહ્યો છે ત્યારે ઓસ્ટ્રેલિયાએ ટોસ જીતી પ્રથમ દાવ લીધો હતો. ઓસ્ટ્રેલિયાએ ૫૦ ઓવરમાં ૫ વિકેટે ૨૮૮ રન બનાવ્યા હતા. કેરે ૨૪, ફીન્ચ ૬, ખ્વાજા ૫૯, સોન માર્શ ૫૪, હેન્ડ્સકોબ ૭૩ રન બનાવેલ જયારે સ્ટોનિકસ ૪૭ તથા મેકસવેલ ૧૧ રને નોટઆઉટ રહ્યા હતા. ભારત વતી ભુવી અને કુલદીપને ૨-૨ જયારે જાડેજાને ૧ વિકેટ મળી હતી. ભુવનેશ્વર કુમારે ઓસ્ટ્રેલિયાના કેપ્ટન એરોન ફિન્ચને આઉટ કરી વન-ડેમાં તેણે તેની ૧૦૦ વિકેટો પૂરી કરી હતી. વન-ડેમાં ૧૦૦ વિકેટ લેનાર ૧૯મો ભારતીય બોલર બન્યો છે. ભારત તરફથી ૧૦૦ વિકેટ લેનાર ૧૩મો ફાસ્ટ બોલર બન્યો છે. ભુવીએ ૯૬ વન-ડે મેચમાં આ સિદ્ધિ હાંસલ કરી છે. ટીમ ઈન્ડિયામાં વન-ડેમાં ધોનીએ કમબેક કર્યુ છે ત્યારે ઓસ્ટ્રેલિયાએ બેહરેનડોર્ફેએ ડેબ્યુ કર્યુ છે.

ટીમ ઈન્ડિયાએ ૨૮૯ રનના ટાર્ગેટનો પીછો કરતા એકદમ કંગાળ શરૂઆત કરી હતી. ઓપનર ધવન, કેપ્ટન કોહલી અને રાયડુ અનુક્રમે ૦,૩,૦ રને પેવેલીયન પરત ફરતા ભારતે માત્ર ૪ રનમાં ૩ વિકેટ ગુમાવી દીધી હતી.

ઓપનર રોહિત શર્મા અને અનુભવી ધોનીએ ભારતની બાજી સંભાળી ધીમી પણ મક્કમ ગતિએ રન બનાવવાનું શરૂ કર્યુ હતું. ધોની ૫૧ રને આઉટ થતાં ભારતે ૩૨.૨ ઓવરમાં ૪ વિકેટના નુકશાને ૧૪૧ રન બનાવ્યા છે. રોહિત ૭૫ રને દાવમાં છે. ઓસ્ટ્રેલિયા વતી જેસન બેહરનડ્રોક અને રિચાર્ડસનને ૨-૨ વિકેટ મળી છે. ઉલ્લેખનીય છે કે જબરદસ્ત ધબડકા બાદ એક તબક્કે ભારત ૧૦૦ રન પણ ન કરી શકે તેવું લાગતુ હતું. ૨૦૦૧ બાદ ટીમ ઈન્ડિયા પહેલી વાર પ્રથમ ૧૫ ઓવરમાં એક પણ ચોક્કો ફટકારી શકી ન હતી. આ લખાય છે ત્યારે ભારતે ૩૩ ઓવરમાં ૪ વિકેટે ૧૪૪ રન બનાવ્યા છે. રોહિત ૭૬ અને કાર્તિક બે રને દાવમાં છે.(૩૭.૫)

 

(3:44 pm IST)
  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • અમદાવાદ : કોંગ્રેસ દ્વારા વી.એસ. બચાવો અભિયાન :વી.એસ. હોસ્પિટલના ખાનગીકરણનો કોંગ્રેસ દ્વારા વિરોધ :પ્રદેશ પ્રમુખ અમિત ચાવડાની આગેવાનીમાં કોચરબ આશ્રમથી વી.એસ. સુધી પદયાત્રા યોજશે access_time 10:47 pm IST

  • 'અંગુઠા છાપ ''નિવેદન પર પોતાના ઘરમાં જ ઘેરાયા રામવિલાસ પાસવાન ;પુત્રીએ કહ્યું માફી માંગો નહીંતર ધરણા કરીશ ;પાસવાનની પુત્રી આશાએ ચેતવણી આપી છે કે જો તેના પિતા આના માટે માફી નહિ માંગે તો પટના સ્થિત લોજપાના પ્રદેશ મુખ્યાલય સામે ધરણા પર બેસશે access_time 12:54 am IST