Gujarati News

નવી દિલ્હીઃ ઈંગ્લેન્ડ અને વેલ્સ ક્રિકેટ બોર્ડે ૨૦૨૧-૨૨ એશિઝ માટે ટીમની જાહેરાત કરી હતી, જેમાં વિકેટકીપર-વાઈસ કેપ્ટન જોસ બટલર નવેમ્બરથી શરૂ થઈ રહેલા ઓસ્ટ્રેલિયા પ્રવાસ માટે સુકાની જો રૂટ સાથે જોડાયા હતા.

 અપેક્ષા મુજબ, બેન સ્ટોકસની પસંદગી કરવામાં આવી ન હતી કારણ કે તે ક્રિકેટમાંથી અનિશ્ચિત વિરામ લીધો છે.  ઓગસ્ટમાં ભારત સામેની પ્રથમ ટેસ્ટ બાદ પોતાની ફિટનેસ સાબિત કરવા માટે સ્ટુઅર્ટ બ્રોડને લોફબરો ખાતેના તાલીમ શિબિરમાં સામેલ કરવામાં આવ્યો છે.  બ્રોડનો આ ચોથી એશિઝ પ્રવાસ હશે.

 ઓલરાઉન્ડર સેમ કેરેનની પસંદગી કરવામાં આવી ન હતી કારણ કે તેની પીઠમાં સ્ટ્રેસ ફ્રેકચર છે. જોફ્રા આર્ચર ઓલી સ્ટોનની ઈજા સાથે, ઈંગ્લેન્ડના ઝડપી બોલિંગ આક્રમણમાં વિવિધતાનો અભાવ છે.  માર્ક વુડ, ઓલી રોબિન્સન, ક્રેગ ઓવરટન બ્રોડ, જેમ્સ એન્ડરસન, ક્રિસ વોકસને પણ ટીમમાં સામેલ કરવામાં આવ્યા છે.

  રોરી બર્ન્સ, હસીબ હમીદ, ડેવિડ મલાનને ટીમમાં સ્થાન આપવામાં આવ્યું છે જ્યારે જોની બેયરસ્ટો બટલરને વિકેટકીપિંગ બેક અપ આપશે.  ઇંગ્લેન્ડની ટેસ્ટ ટીમ ૪ નવેમ્બરે ઓસ્ટ્રેલિયા જવા રવાના થશે. યુનાઇટેડ આરબ અમીરાતમાં ઇંગ્લેન્ડની ટી ૨૦ વર્લ્ડકપ ટીમમાં સામેલ ખેલાડીઓ તેમની ટુર્નામેન્ટ પ્રતિબદ્ધતા બાદ એશિઝ પ્રવાસમાં જોડાશે.

  એશિઝ માટે ઇંગ્લેન્ડની ટીમઃ જો રૂટ (કેપ્ટન), જેમ્સ એન્ડરસન, જોનાથન બેયરસ્ટો (wk), ડોમ બેસ, સ્ટુઅર્ટ બ્રોડ, રોરી બર્ન્સ, જોસ બટલર (wk), જેક ક્રોલી, હસીબ હમીદ, ડેન લોરેન્સ, જેક લીચ, ડેવિડ મલાન, ક્રેગ ઓવરટન, ઓલી પોપ, ઓલી રોબિન્સન, ક્રિસ વોકસ, માર્ક વુડ.