Gujarati News

Gujarati News

News of Saturday, 11th August 2018

એશિયન ગેમ્સમાં ભારતના 572 ખેલાડીનો સુવર્ણ પદક જીતવા માટે રમશે

નવી દિલ્હી: ઈન્ડોનેશિયાના જકાર્તા અને પાલેમ્બાગ ખાતે ૧૮મી ઓગસ્ટથી શરૃ થઈ રહેલી એશિયન ગેમ્સમાં ભારતના કુલ ૫૭૨ ખેલાડીઓ ગોલ્ડ મેડલ જીતવા માટે કુલ ૩૬ રમતોમાં ભાગ લેશે. ભારતીય ખેલ મંત્રાલયે એશિયન ગેમ્સ માટેની ભારતીય ટીમના ખેલાડીઓએ ગોલ્ડ મેડલ જીતવાના જુસ્સા સાથે વિદાય આપી હતી. એશિયાડમાં કુલ ૪૦ રમતોનો સમાવેશ કરવામાં આવ્યો છે, જેમાંથી ૩૬માં ભારતના ખેલાડીઓ ભાગ લેશે. નોંધપાત્ર છે કે, ચાર વર્ષ પહેલા સાઉથ કોરિયાના ઈન્ચેઓન ખાતે યોજાયેલી એશિયન ગેમ્સમાં ભારતે ૧૧ ગોલ્ડ, ૧૦ સિલ્વર અને ૩૬ બ્રોન્ઝ એમ કુલ ૫૭ મેડલ્સ જીત્યા હતા. ભારતે વર્ષ ૨૦૧૪માં રમાયેલી એશિયન ગેમ્સમાં ૫૧૫ ખેલાડીઓની ટીમ મોકલી હતી. ભારત ૫૭૨ ખેલાડીઓની સાથે સાથે ૨૦૦થી વધુ ઓફિસિઅલ્સને પણ એશિયાડમાં મોકલશે. જેના કારણે એશિયન ગેમ્સમાં ભારતના કુલ ૮૦૦થી વધુ સભ્યો હશે. ભારતને આ વખતે એથ્લેટિક્સ, કબડ્ડી, હોકી, કુસ્તી, તીરંદાજી, ટેબલ ટેનિસ જેવી રમતોમાં મેડલ્સની આશા છે. ભારતે આ વખતે બેડમિંટનમાં પણ મજબુત ટીમને સ્પર્ધામાં ઉતારી છે અને બેડમિંટનમાં દેશને ઐતિહાસિક મેડલ્સની અપેક્ષા છે. છેલ્લા કેટલાક વર્ષોથી આંતરરાષ્ટ્રીય ઈવેન્ટ્સમાં ખેલાડીઓની સાથે જતાં સપોર્ટ સ્ટાફની સાથે સાથે ઓફિસિઅલ્સની સંખ્યામાં પણ કાપ મૂકવામાં આવ્યો છે.

(5:06 pm IST)
  • આઝાદીની ઉજવણી કર્યા બાદ 18મીએ શપથગ્રહણ કરશે ઇમરાનખાન :પકિસ્તાન તહરીક -એ-ઇન્સાફ પાર્ટીની બેઠકમાં ઇમરાનખાનને વડાપ્રધાન માટે નક્કી કરાયા :ઇસ્લામાબાદની ખાનગી હોટલમાં મળેલ પાર્ટીની સંસદીય સમિતિની બેઠકમાં લેવાયો નિર્ણંય access_time 1:03 am IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST

  • મધ્યપ્રદેશમાં તમામ મદ્રેસામાં 15મી ઓગસ્ટે ત્રિરંગો લહેરાવવા અને ત્રિરંગા યાત્રા કાઢવા આદેશ : મદ્રેસા બોર્ડના અધ્યક્ષ સૈય્યદ ઇમાદુદીનના આદેશથી વિવાદ છેડાયો : પોતાના આદેશમાં સાંસ્કૃતિક કાર્યક્રમ કરવા અને તે તમામની તસ્વીર ઇમેલમાં મોકલાવવા પણ કહ્યું : કોંગ્રેસે કર્યો વિરોધ access_time 1:18 am IST