Gujarati News

Gujarati News

News of Tuesday, 11th June 2019

ક્રિસ ગેલે પણ ધોની જેવા ગ્લવ્સ પહેરવાની માંગણી કરી હતી : આઈસીસી

નવીદિલ્હી,તા.૧૧ : મહેન્દ્ર સિંહ ધોનીને બલિદાન બૅજ ચિહ્ન વાળાં ગ્લવ્સ પહેરવાની મંજૂરી ન આપ્યા બાદ આઈસીસીએ આવા જ અન્ય એક મામલાનો ખુલાસો કર્યો છે. આ મામલો વેસ્ટ ઈન્ડિઝના દિગ્ગજ બેટ્સમેન અને યૂનિવર્સલ બૉસ ક્રિસ ગેલ સાથે જોડાયેલ છે. આઈસીસીએ જણાવ્યું કે વર્લ્ડ કપમાં ક્રિસ ગેલ પણ ધોનીની જેમ જ પોતાના ગ્લવ્સ પર લોગો લગાવીને રમવા માંગતો હતો.

ધોનીએ ગ્લવ્સ પર બલિદાન બૅજ લગાવ્યું હતું જ્યારે ક્રિસ ગેલ પોતાના બેટિંગ ગ્લવ્સ પર યૂનિવર્સલ બૉસનો લગાવીને રમવા માંગતો હતો. પરંતુ આઈસીસીએ ગેલની આ માંગણી પણ તુરંત ફગાવી દીધી હતી. આઈસીસીના એક સૂત્રએ આ વિશે સમાચાર એજન્સી એએનઆઈને જાણકારી આપતા જણાવ્યું કે, ધોનીની જેમ જ ગેલની માંગણી પણ નકારી કાઢવામાં આવી હતી. ગેલે લગભગ ૪૫ દિવસ પહેલા યૂનિવર્સલ બૉસ લોગોનો ઉપયોગ કરવા મંજૂરી આપવાનો અનુરોધ કર્યો હતો. એટલું જ નહિ, આઈસીસીના સૂત્રો પાસેથી મળેલ જાણકારી મુજબ બીસીસીઆઈ અને ધોની આઈસીસી સામે  એમ સાબિત કરવામાં નાકામ રહ્યા કે બલિદાન બૅજ કોઈ રાજનૈતિક, ધાર્મિક કે જાતિય મુદ્દા સાથે જોડાયેલ નથી. આ વિશે જણાવતા આઈસીસીના સૂત્રએ કહ્યું કે જો બીસીસીઆઈ અને ધોની એમ સાબિત કરવામાં સફળ થયા હોત કે આ નિશાન ઉપરોક્તમાં થઈ કોઈ સાથે સંબંધિત નથી તો અમે બીસીસીઆઈની માંગણી સ્વીકારી શકતા હતા.

(3:32 pm IST)
  • ભાવનગરના દરિયાકાંઠાના ૩૪ ગામો માટે હાઇએલર્ટ જાહેર : વાયુ વાવાઝોડાની સંભવીત ખાનાખરાબી ટાળવા ગુજરાત સરકારે ભાવનગરના દરિયાકાંઠાના ૩૪ ગામડાઓ માટે હાઇ એલર્ટ જાહેર કરી દીધેલ છે. સાવચેતી અને લોકોને ખસેડવા સુધીની તમામ તૈયારીઓ યુધ્ધના ધોરણે કરવામાં આવી છે. access_time 11:39 am IST

  • વાયુ વાવાઝોડુ આવતી કાલે બપોર સુધીમાં મુંબઈથી અઢીસો કિલોમીટર દૂર પહોંચી જશે. સમુદ્ર થી દૂર રહેવું હિતાવહ હોવાનું જાણીતા વેધર એનાલિસ્ટ અક્ષય દેવરસે આજે રાત્રે ટ્વિટ ઉપર જાહેર કર્યું છે. સમુદ્રની તોફાની સ્થિતિ અને પવન ફૂંકાતો રહેશે. લોકોની સલામતી માટે વધારાના પોલીસ અને કોર્પોરેશનના ઓફિસરો દરિયાઈ વિસ્તારોમાં મુકવામાં આવે તેવી સંભાવના છે. અક્ષય દેવરસ પોતાના ટ્વિટમાં જણાવે છે કે વાયુ વાવાઝોડુ મહારાષ્ટ્રના દરિયાકાંઠાની સમાંતરે ઉત્તર દિશામાં સતત આગળ વધશે અને ગુજરાતનો દક્ષિણ સાગરકાંઠો આવતીકાલે 12 જૂનના બપોર પછી અને 13 જૂનના રોજ સતત હાઇ એલર્ટ ઉપર રહેશે. આ સમયે 13 જૂનના દિવસે અતિ ભારે વરસાદ અને નુકસાન પહોંચાડે તેઓ તોફાની પવન ફૂંકાશે. access_time 12:02 am IST

  • હવામાન ખાતાની તા. 11.6.19 થી તા. 14.6.19સુધી ની વાવાઝોડાની આગાહી મુજબની સૂચના મુજબ તા.12.06.19ના રોજ યોજાનાર ગંગા દશેરા ઉત્સવ નો કાર્યક્રમ સંપૂર્ણપણે રદ કરવામાં આવેલ છે, તેમ જનરલ મેનેજર - શ્રી સોમનાથ ટ્રસ્ટ દ્વારા જાણવા મળે છે. access_time 11:55 pm IST