Gujarati News

રણજી ટ્રોફીમાં શાનદાર પ્રદર્શન છતાં ઈન્ડિયન ટીમમાં સ્થાન ન મળવાને કારણે ક્રિકેટર જલજ સકસેના ભારતીય ક્રિકેટ બોર્ડથી ઘણો નારાજ છે. જલજે ૨૦૧૭-૧૮ની સીઝનમાં રણજી ટ્રોફીમાં શાનદાર પ્રદર્શન કર્યુ હોવાથી તેની માધવરાવ સિંધિયા એવોર્ડ માટે પસંદગી થઈ હતી. જો કે જલજે આ એવોર્ડ માટે પસંદગી છતાં નારાજગી વ્યકત કરતાં કહ્યું હતું કે, હું ક્રિકેટ બોર્ડ પાસેથી એ વાત જાણવા માગુ છું કે છેલ્લા ૪ વર્ષથી મને એવોર્ડ આપી સન્માન કરવામાં આવે છે, પરંતુ ઈન્ડિયા-એ ટીમમાં સ્થાન કેમ નથી મળતું? જો મને ઈન્ડિયા-એ ટીમમાં સ્થાન ન મળતુ હોય તો આ એવોર્ડ શું કામનો? આ એવોર્ડ મળવાથી તો જાણે મારૂ અપમાન થયુ હોય એવુ મને લાગે છે. જેને કારણે હું દુઃખી છું. જયારે બધા મને પૂછે છે કે ક્રિકેટ બોર્ડ તને છેલ્લા ૪ વર્ષથી એવોર્ડ આપી રહી છે, પરંતુ ટીમમાં પસંદ શા માટે નથી કરતી ત્યારે મને બહુ ખરાબ લાગે છે.