Gujarati News

Gujarati News

News of Tuesday, 11th May 2021

ભારતીય ક્રિકેટ ટીમ શ્રીલંકામાં: ૧૩ જુલાઇથી ૩ વન-ડે અને ૩ ટી૨૦ ક્રિકેટ મેચ રમશેઃ સત્તાવાર પ્રવાસની જાહેરાત

નવી દિલ્લી: ટીમ ઈન્ડિયા ટોચના ખેલાડીઓ વિના જુલાઈમાં વન-ડે અને ટી-20 સિરીઝ માટે શ્રીલંકાનો પ્રવાસ કરશે. કેપ્ટન વિરાટ કોહલી, વાઈસ કેપ્ટન રોહિત શર્મા જેવા સિનિયર ખેલાડી પ્રવાસનો ભાગ નહીં હોય. કેમ કે તે સમયે ઈંગ્લેન્ડ સામે ટેસ્ટ સિરીઝની તૈયારી કરી રહ્યા હશે.

ટીમ ઈન્ડિયાના શ્રીલંકા પ્રવાસનો કાર્યક્રમ:

ESPN ક્રિન્કઈન્ફોના જણાવ્યા પ્રમાણે પ્રવાસની શરૂઆત 13 જુલાઈએ થશે.

પહેલી વન-ડે મેચ - 13 જુલાઈ

બીજી વન-ડે મેચ - 16 જુલાઈ

ત્રીજી વન-ડે મેચ - 19 જુલાઈ

શ્રીલંકા પ્રવાસમાં 3 ટી-20 મેચ પણ રમાવાની છે.

પહેલી T-20 મેચ - 22 જુલાઈ

બીજી T-20 મેચ - 24 જુલાઈ

ત્રીજી T-20 મેચ - 27 જુલાઈ

પહેલાં બીસીસીઆઈ અધ્યક્ષ સૌરવ ગાંગુલીએ કહ્યું કે અમે જુલાઈના મહિનામાં સિનિયર પુરુષ ટીમ માટે નાના ફોર્મેટની સિરીઝની યોજના બનાવી છે. જ્યાં શ્રીલંકામાં ટી-20 ઈન્ટરનેશનલ અને વન-ડે મેચ રમાશે. સફેદ બોલના વિશેષજ્ઞોની ટીમ હશે. ઈંગ્લેન્ડ પ્રવાસ પર ટીમથી અલગ હશે.

ગાંગુલીએ કહ્યું કે જુલાઈ મહિનામાં ભારતીય ટીમના ટોચના ખેલાડીઓ ઈંગ્લેન્ડથી આવી શકશે નહીં. કેમ કે ત્યાં ક્વોરન્ટાઈન નિયમ ઘણો આકરો છે. શ્રીલંકા જનારી ટીમમાં તે ખેલાડીઓને તક મળી શકે છે. જે IPL અને ડોમેસ્ટિક ક્રિકેટમાં સારું પ્રદર્શન કરતા આવ્યા છે. તેમાં દેવદત્ત પડિક્કલ, પૃથ્વી શૉ, સૂર્યકુમાર યાદવ અને હર્ષલ પટેલ જેવા ખેલાડીનો સમાવેશ થઈ શકે છે.

ધવન કે અય્યર બની શકે છે કેપ્ટન:

પહેલી તક હશે જ્યારે ટીમ ઈન્ડિયા વિરાટ કોહલી અને રોહિત શર્મા વિના T-20 અને વન-ડે મેચની કોઈ સિરીઝ રમશે. જો કોઈ સિરીઝમાં નિયમિત કેપ્ટન વિરાટ કોહલી હોય તો તેમાં રોહિત શર્માએ કેપ્ટનશીપ સંભાળી. પરંતુ શ્રીલંકા પ્રવાસમાં બંને ખેલાડી નહીં હોય. તેવામાં શ્રેયસ અય્યર કે શિખર ધવનને ટીમ ઈન્ડિયાની કમાન સોંપવામાં આવી શકે છે.

(4:12 pm IST)
  • દેશના ૧૪ મોટા રાજ્યોમાં સંપૂર્ણ લોકડાઉન: ગુજરાત આંધ્ર અને પશ્ચિમ બંગાળ માત્ર આ ત્રણ મોટા રાજ્યોમાં પૂર્ણ લોકડાઉન નથી, રાત્રિ કરફ્યુ અને કેટલાક નિયંત્રણો અમલમાં, ગુજરાત સરકાર આજે મોડેથી કોઈક નિર્ણય લ્યે તેવી સંભાવના દેશના ચૌદ મોટા રાજ્યોએ તેમના તેમને ત્યાં સંપૂર્ણ લોકડાઉન લાદી દીધું છે, હવે માત્ર ગુજરાત, આંધ્ર પ્રદેશ અને પશ્ચિમ બંગાળ આ ત્રણ જ મોટા રાજ્યો રહ્યા છે જ્યાં નાઈટ કફર્યું અને કેટલાક નિયંત્રણો લાગુ કરાયા છે, પરંતુ આ ત્રણ રાજ્યોમાં કોઈ જ લોકડાઉન લાદવામાં આવ્યું નથી. વડાપ્રધાનશ્રીએ વારંવાર કહ્યું છે કે લોકડાઉન છેલ્લા ઉપાય તરીકે લાદવામાં આવે. આજે તેલંગાણા રાજ્યએ પણ આવતીકાલથી અમલી બને તે રીતે દસ દિવસનું લોકડાઉન લાદી દીધું છે. જો કે લોકોની સુવિધા માટે સવારે ૬ થી ૧૦ તમામ કામકાજ ચાલુ રાખવાની છૂટ આપી છે: *ન્યૂઝફર્સ્ટ access_time 4:51 pm IST

  • પશ્ચિમ બંગાળ વિરોધ પક્ષના નેતા તરીકે શુભેન્દુ અધિકારીની નિમણુંક : મમતા બેનર્જીને નંદીગ્રામ બેઠક ઉપરથી 1900 મતે હરાવવાનું ઇનામ : એક સમયના મમતા બેનર્જીના નિકટના સાથીદાર હવે સૌથી મોટા વિરોધ પક્ષ ભાજપના નેતા બન્યા access_time 6:49 pm IST

  • કોરોના મહામારી : રેલ્વેના રોજ ૧૦૦૦ કર્મચારી થાય છે સંક્રમિત : મહામારીએ અત્યાર સુધીમાં ૧૯૫૨ના જીવ ગયા : ભારતીય રેલ્વેમાં કુલ ૧૩ લાખથી વધુ કર્મચારીઓ કામ કરે છે. પ્રતિદિન લગભગ ૧,૦૦૦ કર્મચારીને કોરોના થઇ રહ્યો છે : અત્યાર સુધીમાં રેલ્વેના ૧૯૫૨ કર્મચારીઓએ જીવ ગુમાવ્યો છે : અત્યાર સુધીમાં ૧ લાખથી વધુ કર્મચારીઓ સંક્રમિત થયા છે જેમાંથી ૬૫,૦૦૦ સાજા થઇ કામ પર પાછા ફર્યા છે. access_time 11:06 am IST