Gujarati News

દુબઈઃ  ઇંગ્લેન્ડ ક્રિકેટ ટીમના વિકેટકીપર જોસ બટલરને આઇસીસીની આચારસંહિતાનું ઉલ્લંદ્યન કરવા બદલ મેચ-ફીના ૧૫ ટકાનો દંડ કરવામાં આવ્યો છે. કેપ ટાઉનમાં રમાયેલી ઇંગ્લેન્ડ અને સાઉથ આફ્રિકા વની બીજી ટેસ્ટ મેચના પાંચમા દિવસે તેણે આઇસીસીની આચારસંહિતાના લેવલ-૧ હેઠળ આર્ટિકલ ર.૩નું ઉલ્લંદ્યન કર્યું હતું.

સાઉથ આફ્રિકાની બીજી ઇનિંગમાં જયારે ફિલેન્ડર બેટિંગ કરી રહ્યો હતો ત્યારે બટલરે અભદ્ર શબ્દો વાપર્યા હતા જેને કારણે તેને આ દંડ કરાયો હતો જેની સાથે એક ડીમેરિટ પોઇન્ટ પણ તેના ખાતામાં ઉમેરાયો હતો. બટલરે પછીથી પોતાની આ ભૂલ સ્વીકારી લીધી હતી.