Gujarati News

Gujarati News

News of Friday, 10th August 2018

ભારતને એશિયન ગેમ્સમાં મેડલ મળવો આસાન નથી: પ્રકાશ પાદુકોણ

નવી દિલ્હી: ભારતના ભુતપુર્વ બેડમિંટન ચેમ્પિયન કે જેઓ ઓલ ઇંગ્લેન્ડ ટુર્નામેન્ટ જીતનાર પ્રથમ ભારતીય રહી ચૂકયા છે તેવા પ્રકાશ પદુકોને ભારતની બેડમિંટન ટીમને ચેતવી છે કે આગામી એશિયન ગેમ્સમાં મેડલ જીતવો ધાર્યા કરતા પડકારજનક બની રહેશે. ૧૮ ઓગસ્ટથી ઇન્ડોનેશિયાના જાકાર્તામાં એશિયન ગેમ્સનો પ્રારંભ થઇ રહ્યો છે. ભારતની ટીમમાં પી.વી. સિંધુ, સાયના નેહવાલ, કિદમ્બી શ્રીકાંત અને એચ એસ પ્રણોય જેવા બેડમિંટનના વિશ્વના અગ્રણી ખેલાડીઓ છે. આ ખેલાડીઓ આંતરરાષ્ટ્રીય ટુર્નામેન્ટમાં ચેમ્પિયન કે રનર્સ અપ બની ચૂકયા છે. તેઓએ વર્લ્ડ ચેમ્પિયનોને પણ હરાવ્યા છે છતાં પદુકોને માને છે કે ભારતને એશિયન ગેમ્સમાં મેડલ મળવો આસાન નથી. ભારતે અત્યાર સુધીમાં એક જ મેડલ એશિયન ગેમ્સના ઇતિહાસમાં જીત્યો છે જે ૧૯૮૨માં સૈયદ મોદીએ જીત્યો હતો. પદુકોનેએ આ માટેનું કારણ આપતા જણાવ્યું છે કે બેડમિંટનના મોટાભાગના સ્ટાર અને મેડલના દાવેદાર ખેલાડીઓ એશિયાના જ છે. આ તમામ ખેલાડીઓ એશિયન ગેમ્સના મેડલ જીતવા માટે છેલ્લા કેટલાક અરસાથી સખ્ત મહેનત કરે છે. ભારતના ટોચના ખેલાડીઓ હમણા જ વર્લ્ડ ચેમ્પિયનશીપમાં ભાગ લઇને પરત ફરી હોઇ ખેલાડીઓ કેવો ફિટનેસ અને જુસ્સો જાળવી રાખે છે તે પણ નિર્ણાયક બનશે. જો કે ભારત મેડલ જીતવાનું દાવેદાર મનાય છે અને તે માટે સક્ષમ પણ છે.

 

 

(3:31 pm IST)
  • વહેલી ચૂંટણીની અટકળને અમિતભાઇ શાહને ફગાવી ;ભાજપ અધ્યક્ષ અમિતભાઇ શાહે કહ્યું કે વિપક્ષ એકતાની વાતો થાય છે પરંતુ અવિશ્વાસ પ્રસ્તાવ અને રાજ્યસભામાં ઉપસભાપતિની ચૂંટણીમાં બધાએ જોયું શું થયું :શાહે છત્તીસગઢ,રાજસ્થાન અને મધ્યપ્રદેશની ચૂંટણી જીતવાનો દાવો કર્યો access_time 12:52 am IST

  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST