Gujarati News

Gujarati News

News of Saturday, 10th April 2021

વાનખેડેમાં કોરનાનો રિપોર્ટ બતાવનારાને એન્ટ્રી મળશે

કોરોનાના કાળમાં પણ આઈપીએલ સિઝન-૧૪ શરૂ : મુંબઈમાં આઈપીએલ સિઝન-૧૪ની ૧૦ મેચ રમાવાની છે, જોકે તમામ મેચ પ્રેક્ષકો વગર જ રમાડવામાં આવશે

મુંબઇ, તા.૧૦ : દેશમાં બેકાબૂ બનેલા કોરોના વચ્ચે આઈપીએલનો પ્રારંભ થયો છે. મુંબઈના વાનખેડે સ્ટેડિયમમાં તાજેતરમાં ૧૦ કર્મચારીઓના કોરોના ટેસ્ટ પોઝિટિવ આવ્યા હતા.

બીજી તરફ અહીંયા આઈપીએલની ૧૦ મેચો રમાવાની છે. બાબતને ધ્યાનમાં લઈને ક્રિકેટ બોર્ડે વાનખેડે સ્ટેડિયમમાં કોરોના ટેસ્ટ નેગેટિવ રિપોર્ટ બતાવનારને પ્રવેશ આપવાનુ નક્કી કર્યુ છે. આમ તો આઈપીએલની મેચો પ્રેક્ષકો વગર રમાવાની છે પણ જે અધિકારીઓને અહીંયા પ્રવેશ અપાવાનો છે તેમના માટે પણ કોરોના ટેસ્ટનો રિપોર્ટ બતાવવાનુ ફરજિયાત બનાવાયુ છે.

જે અધિકારી આરટી પીસીઆર ટેસ્ટનો રિપોર્ટ નેગેટિવ હોવાનુ દર્શાવશે તેને સ્ટેડિયમમાં એન્ટ્રી અપાશે. ટેસ્ટ પણ મેચના ૪૮ કલાક પહેલા થયેલો હોવો જરુરી છે. વાનખેડે સ્ટેડિયમમાં કોરોના ફેલાય નહીં તે માટે ક્રિકેટ બોર્ડ કોઈ ચાન્સ લેવા માંગતુ નથી. નહીંતર બોર્ડને અહીંની મેચો બીજે ખસેડવાની સ્થિતિ આવી શકે છે. જે અધિકારીઓએ મેચ દરમિયાન હાજર રહેવાનુ છે તેમના ટેસ્ટ બીસીસીઆઈ દ્વારા કરાવાશે.

આજે વાનખેડે પર પહેલી મેચ દિલ્હી કેપિટલ્સ અને ચેન્નાઈ સુપર કિંગ્સ વચ્ચે રમાવાની છે.

(8:01 pm IST)
  • રેમડેસિવિર ઈન્જેક્શનની અછત વચ્ચે ભાજપ પ્રદેશ અધ્યક્ષ સી આર પાટીલની જાહેરાત, સુરતમાં ભાજપ 5000 રેમડેસિવિર ઇન્જેક્શન મફત આપશે. access_time 6:52 pm IST

  • મુંબઈની દુકાનમાંથી રેમડેસીવીરનો મોટો જથ્થો ઝડપાયોઃ બેની ધરપકડ : મહારાષ્ટ્ર મુંબઈની ક્રાઈમ બ્રાન્ચ પોલીસે અંધેરીની એક દુકાનમાંથી ૨૩૦ જેટલા રેમડેસિવિર ઇન્જેકશનનો જથ્થો કબ્જે કર્યો હતોઃ જે બ્લેક માર્કેટિંગ કરવા માટે રાખવામાં આવ્યાનું પોલીસ જણાવે છેઃ આ સંદર્ભે બે લોકોની ધરપકડ કરવામાં આવી છેઃ વિશેષ પૂછપરછ થઈ રહી છે access_time 2:51 pm IST

  • દેશમાં કોરોનાના કેસમાં ભયંકર ઉછાળો : અત્યાર સુધીના તમામ રેકોર્ડ તૂટ્યા : રેકોર્ડબ્રેક નવા કેસ નોંધાયા : રાત્રે 11 વાગ્યા સુધીમાં કોરોનાના નવા 1,44,829 કેસ નોંધાયા :કુલ કેસની સંખ્યા 1,32,02,783 :એક્ટિવ કેસ 10,40,993 થયા વધુ 77,199 દર્દીઓ સ્વસ્થ થતા કુલ 1,19, 87, 940 થયા :વધુ 773 લોકોના મોત સાથે કુલ મૃત્યુઆંક 1,68,467 થયા: દેશમાં સૌથી વધુ મહારાષ્ટ્રમાં નવા 58,993 નવા કેસ નોંધાયા access_time 1:07 am IST