Gujarati News

Gujarati News

News of Saturday, 10th February 2018

એશિયન ટીમ બેડમિન્ટનમાં ભારતની હાર

નવી દિલ્હી:એશિયન ટીમ બેડમિંટન ચેમ્પિયનશીપમાં ભારતની મેન્સ અને વિમેન્સ ટીમને ક્વાર્ટર ફાઈનલમાં આંચકાજનક હારનો સામનો કરવો પડયો હતો. આ સાથે ભારતના પડકારનો અંત આવી ગયો છે. આજે રમાયેલી ક્વાર્ટર ફાઈનલમાં ભારતની મેન્સ ટીમને ચીને ૧-૩થી પરાજય આપ્યો હતો. જ્યારે ભારતની વિમેન્સ ટીમને ઈન્ડોનેશિયા સામે ૧-૩થી જ હાર સહન કરવી પડી હતી. નોંધપાત્ર છે કે, ઈજામાંથી રિકવર થઈ રહેલી સાયના નેહવાલ એશિયન ટીમ ચેમ્પિયનશીપમાં રમવા ઉતરી નહતી. વિમેન્સ સિંગલ્સની ક્વાર્ટર ફાઈનલમાં ઈન્ડોનેશિયા સામે સિંધુએ ભારતને વિજયી શરૃઆત અપાવી હતી. સિંધુએ ઈન્ડોનેશિયાની ફાનેટ્રીને ૨૧-૧૩, ૨૪-૨૨થી પરાજય આપ્યો હતો. જોકે આ પછી ભારત ત્રણેય મેચ હારી ગયું હતુ. ભારતની મેન્સ ટીમ પણ ખાસ પ્રભાવ પાડી શકી નહતી. ભારતના કિદામ્બી શ્રીકાંતે પ્રથમ સિંગલ્સમાં શાનદાર દેખાવ કરતાં ૧૪-૨૧, ૨૧-૧૬, ૨૧-૭થી શી યુકીને હરાવ્યો હતો. જોકે ચીનના હે જિટિંગ અને તાન કીએંગની જોડી સામે ભારતના સાત્વિકસાઈરાજ અને ચિરાગનો ૨૧-૧૭, ૨૧-૧૮થી પરાજય થયો હતો.આ પછી કીઓ બીન સામે ભારતના સાઈ પ્રણિતને ૨૧-૯, ૧૧-૨૧, ૧૭-૧૨થી હારનો સામનો કરવો પડયો હતો. આખરે હાન ચેંગ્કી અને ઝોઉની જોડીએ ૨૧-૧૪, ૧૯-૨૧, ૧૪-૨૧થી મનુ અત્રી અને સુમિત રેડ્ડીને પરાજય આપતાં ભારત બહાર ફેંકાયું હતુ.

(5:31 pm IST)
  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST

  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST