Gujarati News

Gujarati News

News of Tuesday, 9th August 2022

ટેનિસ દિગ્ગજ સેરેના વિલિયમ્સે નિવૃત્તિની કરી જાહેરાત

વિશ્વભરમાં ટેનિસ દ્વારા પોતાની ઓળખ બનાવનાર અમેરિકાની મહાન ટેનિસ ખેલાડીની નિવૃત્તિ

મુંબઈ : વિશ્વભરમાં ટેનિસ દ્વારા પોતાની ઓળખ બનાવનાર અમેરિકાની મહાન ટેનિસ ખેલાડી સેરેના વિલિયમ્સે નિવૃત્તિની જાહેરાત કરી છે. વોગના સપ્ટેમ્બર અંકના કવર પર દેખાયા પછી, 40 વર્ષીય ટેનિસ દિગ્ગજ ઇન્સ્ટાગ્રામ પર લખ્યું હતું કે જીવનમાં એક એવો સમય આવે છે જ્યારે આપણે અલગ દિશામાં આગળ વધવાનું નક્કી કરવું પડે છે. જ્યારે તમે કોઈ વસ્તુને ખૂબ પ્રેમ કરો છો ત્યારે તે સમય હંમેશા મુશ્કેલ હોય છે. મારી સારાઇએ છે કે હું ટેનિસનો આનંદ માણું છું. પરંતુ હવે કાઉન્ટડાઉન શરૂ થઈ ગયું છે.

ટેનિસ દિગ્ગજ સેરેના વિલિયમ્સે ઇન્સ્ટાગ્રામ પર પોસ્ટ કર્યું કે જીવનમાં એક એવો સમય આવે છે જ્યારે આપણે અલગ દિશામાં આગળ વધવાનું નક્કી કરવું પડે છે. જ્યારે તમે કોઈ વસ્તુને ખૂબ પ્રેમ કરો છો ત્યારે તે સમય હંમેશા મુશ્કેલ હોય છે. મને ટેનિસની મજા આવે છે. પરંતુ હવે કાઉન્ટડાઉન શરૂ થઈ ગયું છે. મારે માતા બનવા પર, મારા આધ્યાત્મિક ધ્યેયો પર અને અંતે કઇંક જુદી જ સેરેના શોધવા પર ધ્યાન કેન્દ્રિત કરવું પડશે. હું આવનારા થોડા અઠવાડિયાનો આનંદ માણીશ.

ઉલ્લેખનીય છે છે કે મહિલા ટેનિસ ગ્રેટ સેરેના વિલિયમ્સે યુએસ ઓપનમાં શાનદાર પ્રદર્શન કરતા તેની કારકિર્દીમાં કુલ 6 વખત આ ખિતાબ જીત્યો હતો. તેણે વર્ષ 1999, 2002, 2008, 2012, 2013 અને 2014માં યુએસ ઓપનનો ખિતાબ કબજે કર્યો હતો. આ સાથે જ તે 23 વખતની ગ્રાન્ડ સ્લેમ વિજેતા પણ રહી ચૂકી છે. જોકે, કેટલાક સમયથી તે ઈજાઓથી પીડાઈ રહી હતી અને ટેનિસ કોર્ટ પર તેનું ફોર્મ પણ તેને સાથ આપતું ન હતું. તેના ખરાબ ફોર્મના કારણે તેની નિવૃત્તિની ચર્ચા ઘણા સમયથી સમાચારોમાં ચાલી રહી છે.

 

(9:36 pm IST)