Gujarati News

Gujarati News

News of Saturday, 9th June 2018

જ્યારે ભગવાન સાથે હોય ત્યારે તેમના ચરણોમાં બેસી જવું સારૂં છેઃ વિરેન્‍દ્ર સેહવાગે સચિન તેંડુલકરના ભરપૂર વખાણ કરી સોશ્યલ મીડિયામાં તસવીર પોસ્‍ટ કરી

મુંબઇઃ ભારતીય ક્રિકેટર વિરેન્‍દ્ર સેહવાગે માસ્ટર બ્લાસ્ટર સચિન તેંડુલકરના સોશ્યલ મીડિયામાં ભરપૂર વખાણ કરીને ટ્વિટર ઉપર પોસ્ટ મુકી છે.

 

ક્રિકેટના ભગવાન ગણતા સચિન તેડુલકરને ગોડ જીપણ કહેવામાં આવે છે. ત્યારે આ વખતે વીરેંદ્ર સહવાગે માસ્ટર બ્લાસ્ટરનેરામગણાવ્યા છે. જ્યારે પોતાને ગદાધારી હનુમાનગણાવ્યા. સહવાગે સોશિયલ મીડિયા પર એક તસવીર પોસ્ટ કરી છે જેમાં તે સચિન તેંડુલકર સાથે જોવા મળે છે. જણાવી દઈએ કે સહવાગ સોશિયલ મીડિયા પર ખૂબ એક્ટિવ છે.

સહવાગે ઈન્સ્ટાગ્રામ પર મૂકેલી તસવીર સાથે લખ્યું કે, ‘જ્યારે ભગવાન સાથે હોય તો તેમના ચરણોમાં બેસી જવું સારું છે.સાથે આ તસવીરમાં તેમણે સચિન તેંડુલકરને પણ ટેગ કર્યા છે.

તસવીરમાં સહવાગના હાથમાં ગદા છે જ્યારે સચિનના હાથમાં ચાનો કપ છે. જણાવી દઈએ કે આ જોડીએ ક્રિકેટમાં ભારતને ઘણું અપાવ્યું છે. સચિન અને સહવાગે 93 વન ડેમાં ઓપનિંગ કરી છે. આ દરમિયાન તેમણે 42.13ની રન રેટથી 3919 રન ફટકાર્યા છે. જેમાં 12 સદી અને 18 અડધી સદી સામેલ છે. રેકોર્ડ પર નજર કરીએ તો ઈંટરનેશનલ વન ડે ક્રિકેટમાં આ ચોથી શ્રેષ્ઠ ઓપનિંગ જોડી છે.

(5:48 pm IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST