Gujarati News

Gujarati News

News of Saturday, 9th June 2018

બાંગ્લાદેશને હરાવી પોતાની પ્રથમ આંતરરાષ્ટ્રીય ટી-૨૦ સીરીઝમાં ક્લીન સ્વીપ આપી અફગાનિસ્તાન

નવી દિલ્હી: અફઘાનિસ્તાને જબરદસ્ત રમતનુ પ્રદર્શન કરતા બાંગ્લાદેશને હરાવી પોતાની પ્રથમ આંતરરાષ્ટ્રીય ટી-૨૦ સીરીઝમાં ક્લીન સ્વીપ કરતા ઐતિહાસિક જીત મેળવી. અંતિમ ત્રીજી ટી-૨૦ મેચમાં સ્પિનર રાશિદ ખાને ફરી એકવાર શાનદાર બોલિંગ કરી પોતાની ટીમને જીત અપાવવામાં મહત્વનો ફાળો ભજવ્યો. અફઘાનિસ્તાને બાંગ્લાદેશને ૧ રને મેચ હરાવી અને શ્રેણી ૩-૦થી જીતી લીધી. 

અફઘાનિસ્તાને પહેલા બેટિંગ કરતા ૬ વિકેટે ૧૪૫ રન બનાવ્યા. જેના જવાબમાં બાંગ્લાદેશની ટીમ ૧૪૪ રન જ બનાવી શકી અને ૧ રને તેણે મેચ ગુમાવવાનો વારો આવ્યો. અફઘાનિસ્તાન તરફથી શાહઝાદે ૨૬, કેપ્ટન સ્ટેનીકઝાઈએ ૨૭ અને શેનવરીએ અણનમ ૩૩ રનની ઈનિંગ રમી હતી. જેની મદદથી અફઘાનિસ્તાને ૬ વિકેટ ગુમાવી ૨૦ ઓવરમાં ૧૪૫ રન બનાવ્યા. જ્યારે બાંગ્લાદેશ તરફથી નઝમુલ ઈસ્લામે ૨ અને અબુ જાયદે ૨ વિકેટ ઝડપી હતી. જ્યારે શાકિબ અલ હસન અને અરીફુલ હકે ૧-૧ વિકેટ ઝડપી હતી. ૧૪૬ રનના લક્ષ્યાંકનો પીછો કરવા ઉતરેલ બાંગ્લાદેશની શરુઆત ખૂબ જ ખરાબ રહી હતી. તેણે ૧૬ રનના સ્કોરે જ પોતાની પ્રથમ વિકેટ તમિમ ઈકબાલના રુપમાં ગુમાવી હતી. 
તમિમ ૫ રન બનાવીને મુજીબની બોલિંગમાં રસૌલીને કેચ આપી બેઠો હતો. ત્યારબાદ દાસ ૧૨ રને અને સૌમ્ય સરકાર ૧૫ રને રનઆઉટ થયા હતા. આ બન્ને ખેલાડીઓની વિકેટ ગેમ ચેન્જર સાબિત થઈ હતી. જ્યારે ત્યારબાદ બાંગ્લાદેશ તરફથી વિકેટકિપર મુશીફીકર રહીમ અને મહેમુદુલ્લાહે લડાયક ઈનિંગ રમી હતી. જોકે તેમ છતાં તેઓ ટીમને જીત અપાવવામાં નિષ્ફળ રહ્યા. મુશીફીકરે ૪૬ અને મહેમદુલ્લાહે ૪૫ રનની ઈનિંગ રમી હતી. જ્યારે અફઘાનિસ્તાન તરફથી મુજીબ, કરીમ જનાત અને રાશિદ ખાને ૧-૧ વિકેટ લીધી હતી. સીરીઝમાં શ્રેષ્ઠ પ્રદર્શન કરનાર રાશિદ ખાન મેન ઓફ ધ સીરીઝ જાહેર કરાયો હતો.

(4:59 pm IST)
  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST

  • મુશર્રફનો પાસપોર્ટ-પાકિસ્તાની ઓળખપત્ર સસ્પેન્ડઃ દુબઇમાં રહેવુ ગેરકાનુની થઇ જશેઃ વિદેશયાત્રા પણ કરી શકશે નહિ access_time 4:18 pm IST