Gujarati News

Gujarati News

News of Saturday, 9th June 2018

ભારતીય રનર જિસના મૈથ્યૂઝે જાપાનમાં એશિયાઈ જૂનિયર એથલેટિક્સમાં જીત્યો ગોલ્ડ

મહિલાઓની 400 મીટરની દોડમાં 53.26 સેકન્ડસ સાથે પ્રથમ : પાંચ અન્ય ભારતીય ખેલાડીઓએ બ્રોન્ઝ મેડલ જીત્યો

ગિફૂ (જાપાન): ભારતીય રનર જિસના મૈથ્યૂઝે એશિયાઇ જૂનિયર એથલેટિક્સ ચેમ્પિયનશિપના બીજા દિવસે 400 મીટર સ્પર્ધામાં ગોલ્ડ મેડલ જીત્યો છે ચેમ્પિયનશિપમાં પાંચ અન્ય ભારતીય ખેલાડીઓએ બ્રોન્ઝ મેડલ જીત્યો છે ભારતના નામે હવે બે ગોલ્ડ, એક સિલ્વર અને સાત બ્રોન્ઝ મેડલ થઈ ગયા છે.

 ટૂર્નામેન્ટમાં જીતના પ્રબળ દાવેદાર જિસના મહિલાઓની 400 મીટરની દોડમાં 53.26 સેકન્ડના સમય સાથે ટોપ પર રહી. શ્રીલંકાના દિલસી કુમારસિંઘે (54.03 સેકન્ડ)ને સિલ્વર અને ચીની તાઇપેની જુઇ-હસ્યુઆન યાંગ (54.74)ને બ્રોન્ઝ મેડલ મળ્યો હતો . 

  અત્રે ઉલ્લેખનીય છે કે જિસના પીટી ઉષા એખલેટિક્સ સ્કૂલમાં ટ્રેનિંગ લે છે, જેનું વ્યક્તિગત સર્વશ્રેષ્ઠ પ્રદર્શન 52.65 સેકન્ડ છે. તેણે આ પહેલા સીનિયર એસિયાઇ ચેમ્પિયનશિપમાં બ્રોન્ઝ મેડલ અને ચાર ગુણા 400 રિલે સ્પર્ધામાં ગોલ્ડ મેડલ જીત્યો હતો. તે રિયો ઓલંમ્પિક 2016 અને લંડન વિશ્વ ચેમ્પિયનશિપ 2017માં ભાગ લેનારી ચાર ગુણા 400 રિલે સ્પર્ધામાં ભારતીય ટીમનો ભાગ હતી. 

    દરમિયાન લાંબી કૂદમાં જૂનિયર રાષ્ટ્રીય રેકોર્ડધારી ખેલાડી એમ શ્રીસંકરે પોતાના ખાનગી સર્વશ્રેષ્ઠ પ્રદર્શન 7.99 મીટરને રીપિટ ન કરી શક્યો. તેણે 7.47 મીટરના કૂદકા સાથે બ્રોન્ઝ મેડલ મેળવ્યો. 

ગોળા ફેંકમાં 2016માં સિલ્વર મેડલ જીતનાર અજય ભાલોથિયા પોતાના મેડલનો બચાવ કરવામાં સફળ રહ્યો. તેણે છ કિલોના ગોળાને 18.22 મીટર દૂર ફેંક્યો. 

ભારતને બે અન્ય બ્રોન્ઝ મેડલ પુરૂષોની 10000 મીટર અને મહિલાઓની 1500 મીટર દોડમાં ક્રમશઃ કાર્તિક કુમાર અને દુર્ગા પ્રમોદ દેવરેને મળ્યા. 

(2:16 pm IST)
  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST