Gujarati News

Gujarati News

News of Saturday, 9th June 2018

સુનિલ છેત્રીએ ગોલ કર્યો છતા ટીમ હારી ગઈ : ટુર્નામેન્ટમાં છ ગોલ ફટકાર્યા

ભારતીય ફૂટબોલ ટીમ ન કરી શકી હેટ-ટ્રીક

ભારતીય ફૂટબોલ ટીમ ઈન્ટરકોન્ટિનેન્ટલ કપમાં ગુરૂવારે જીતની હેટ-ટ્રીક ચૂકી ગઈ હતી. અંધેરીમાં આવેલા મુંબઈ અરીના સ્ટેડિયમમાં રમાયેલી મેચમાં ન્યુઝીલેન્ડની ટીમે ભારતને ૨-૧થી હરાવ્યુ હતું. કેપ્ટન સુનિલ છેત્રીએ પહેલો ગોલ ફટકાર્યો હતો છતાં ટીમ હારી ગઈ હતી. સુનિલે શાનદાર પ્રદર્શન કરતા ચાર દેશોની આ ટુર્નામેન્ટમાં કુલ છ ગોલ કર્યા છે.

(12:51 pm IST)
  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST