Gujarati News

નવી દિલ્હી: ઈન્ડિયન બોક્સિંગ ફેડરેશન (BFI) ની ચૂંટણીઓ 3 ફેબ્રુઆરીએ ગુરુગ્રામમાં યોજાશે. મહાસંઘે શુક્રવારે એક નિવેદન બહાર પાડીને આ અંગે માહિતી આપી હતી. બીએફઆઈએ કહ્યું કે દિલ્હી હાઈકોર્ટે શુક્રવારે તેની ચૂંટણી યોજવાના પ્રસ્તાવને મંજૂરી આપી દીધી છે. બીએફઆઈએ નિવેદનમાં જણાવ્યું છે કે, 'અગાઉની સુનાવણી દરમિયાન કોર્ટે બીએફઆઈને 8 જાન્યુઆરી 2021 પહેલાં ચૂંટણીનું શિડ્યુલ રજૂ કરવા નિર્દેશ આપ્યો હતો. બીએફઆઇએ સૂચિત ચૂંટણીની તારીખ સાથે કોર્ટમાં સોગંદનામું દાખલ કર્યું છે. "