Gujarati News

Gujarati News

News of Saturday, 7th December 2019

ઓસ્‍ટ્રેલિયા ક્રિકેટ ટીમના કેપ્‍ટન ટીમ પેનનું વિરાટ કોહલીને ઓસ્‍ટ્રેલિયામાં બે ડે-નાઇટ ક્રિકેટ મેચ રમવા આમંત્રણ

મેલબર્નઃ ભારતીય ટીમે તાજેતરમાં જ બાંગ્લાદેશ સામે પોતાની પ્રથમ ડે-નાઈટ ટેસ્ટ મેચ રમી હતી. કોલકાતામાં રમાયેલી આ મેચમાં સ્ટેડિયમ હાઉસફુલ રહ્યું હતું. મેચ સમાપ્ત થતા-થતા ઓસ્ટ્રિલિયાના કેપ્ટન ટિમ પેનનું ભારતીય કેપ્ટન વિરાટ કોહલીને આવી જ મેચ રમવાનું આમંત્રણ મળી ગયું હતું. જો આગળ સંજોગો ઉચિત રહ્યા તો ભારત અને ઓસ્ટ્રેલિયા એક નહીં પરંતુ બે-બે ડે-નાઈટ ટેસ્ટ મેચ રમી શકશે. ક્રિકેટ ઓસ્ટ્રેલિયા તેની યોજના બનાવી રહ્યું છે.

ભારતીય ટીમ 2021માં ઓસ્ટ્રેલિયાના પ્રવાસે જવાની છે. ઓસ્ટ્રેલિયા ક્રિકેટ બોર્ડ અત્યારથી જ તેની તૈયારીમાં જોડાઈ ગયું છે. ઓસ્ટ્રેલિયાની ક્રિકેટ ટીમ આવતા મહિને વન ડે શ્રેણી રમવા માટે ભારત આવવાની છે. આ ટીમની સાથે ક્રિકેટ ઓસ્ટ્રેલિયાનું એક પ્રતિનિધિ મંડળ પણ આવી શકે છે. આ પ્રતિનિધિમંડળ ભારતીય ક્રિકેટ બોર્ડના અધિકારીઓની મુલાકાત કરશે. એવું માનવામાં આવી રહ્યું છે કે, ઓસ્ટ્રેલિયામાં અધિકારીઓ આગામી ટેસ્ટ શ્રેણીમાં બે ડે-નાઈટ ટેસ્ટ મેચ કરાવાનો પ્રસ્તાવ રજુ કરશે.

વેબસાઈટ ક્રિકઈન્ફોએ આ અંગે એક રિપોર્ટ પ્રકાશિત કર્યો છે. વેબસાઈટે સીએના પ્રતિનિધિમંડળના અધ્યક્ષ અર્લ એડિંગ્સના હવાલાથી લખ્યું છે કે, "અમે આ અંગે અત્યારે ઔપચારિક વાટાઘાટો શરૂ કરી નથી. અમે જાન્યુઆરીમાં આ અંગે વાત કરી શકીએ છીએ. જેવું કે તમે જાણો છો કે ભારતે પોતાની પ્રથમ ડે-નાઈટ ટેસ્ટ મેચ રમી છે. હવે તેમને આનો અનુભવ મળી ગયો છે. મને કોઈ શંકા નથી કે હવે ભારતીય ટીમ ઓસ્ટ્રેલિયાના પ્રવાસ દરમિયાન એક કે બે ડે-નાઈટ ટેસ્ટ મેચ રમી શકે છે."

ઉલ્લેખનીય છે કે, ઓસ્ટ્રેલિયા ડે-નાઈટ ટેસ્ટ મેચ રમનારો પ્રથમ દેશ છે. આ મેચ 2015માં ઓસ્ટ્રેલિયા અને ન્યૂઝીલેન્ડ વચ્ચે રમાઈ હતી. અત્યાર સુધી 9 દેશ ડે-નાઈટ ટેસ્ટ મેચ રમી ચુક્યા છે. સૌથી વધુ 6 ડે-નાઈટ ટેસ્ટ મેચ ઓસ્ટ્રેલિયાએ જ રમી છે. તેણે આ બધી જ મેચ જીતી છે. અત્યાર સુધી કુલ 13 ડે-નાઈટ ટેસ્ટ મેચ રમાઈ છે અને દરેક મેચનું પરિણામ આવ્યું છે. એક પણ ડે-નાઈટ ટેસ્ટ મેચ ડ્રો રહી નથી.

(4:52 pm IST)
  • માત્ર વોટ્સએપ દ્વારા જ નહિં પરંતુ ભારતીય કર્મશીલોની ઇમેઇલ દ્વારા પણ ડીજીટલ એટેક કરીને જાસુસી કરવામાં આવી હતી પણ ભીમા-કોરેગાંવ કેસ સાથે સંકળાયેલ કેટલાય માનવ અધિકાર કર્મશીલ અને પત્રકારોને તેમના કમ્પ્યુટરનો સંપૂર્ણપણે કંટ્રોલ લઇ શકે એવુ માલવેર ધરાવતા શંકાસ્પદ ઇમેઇલ મોકલવામાં આવ્યા હતાં એવુ એમ્નેસ્ટી ઇન્ટરનેશનલની ડિજીટલ ટીમે શોધી કાઢયું છે. access_time 11:57 am IST

  • કચ્છ ભાજપના નેતા જયંતિ ભાનુશાલી હત્યા કેસનો મામલો: ઝડપાયેલ ૧૨મો આરોપી નિખિલ થોરાટ ગળપાદર જેલ હવાલે access_time 10:57 pm IST

  • વિવાદાસ્પદ સ્વયંભૂ બાબા નિત્યાનંદ સ્વામીનો પાસપોર્ટ રદ કરતી ભારત સરકાર : પાસપોર્ટ માટેની નવી અરજી પણ રદ કરી દીધી access_time 8:20 pm IST