Gujarati News

Gujarati News

News of Friday, 7th December 2018

ટીમ ઈન્ડિયાનું કમબેક : કાંગારૂઓ - ૧૯૧/૭

એડીલેડ ટેસ્ટ દિવસ-૨ : ઓસ્ટ્રેલિયા ભારતની પ્રથમ ઈનિંગથી ૫૯ રન પાછળ : અશ્વિન ખિલ્યો ૩ વિકેટ : ઈશાંત અને બુમરાહને ૨-૨ વિકેટો

એડીલેડ : ભારત અને ઓસ્ટ્રેલિયા વચ્ચે રમાઈ રહેલ પ્રથમ ટેસ્ટના બીજા દિવસે ભારતીય બોલરોએ શાનદાર પ્રદર્શન કર્યુ છે દિવસના અંતે ઓસ્ટ્રેલિયાએ ૮૮ ઓવરમાં ૭ વિકેટ ગુમાવી ૧૯૧ રન કર્યા છે. ભારતની પ્રથમ ઈનિંગ ૨૫૦ રનમાં સમેટાઈ ગઈ હતી.

ઓસ્ટ્રેલીયાની ટીમ દાવમાં આવતાની સાથે જ ઈશાંત શર્માએ ખાતુ ખોલાવ્યા વગર ઓપનર ફીન્ચને બોલ્ડ કરી પેવેલીયનનો રસ્તો બતાવી દીધો હતો. બાદ હેરીસ ૨૬, ખ્યાજા ૨૮ અને હેન્ડસીકોમ્બ ૩૪ રને આઉટ થયા હતા.

તો કેપ્ટન પેઈન ૫ અને કમીન્સ ૧૦ રન બનાવી પેવેલીયન ભેગા થઈ ગયા છે. હેડ ૬૧ અને સ્ટાર્ક ૮ રને દાવમાં છે.

ભારતીય બોલરો આર. અશ્વિન -૩, ઈશાંત - ૨ અને બુમરાહે ૨ વિકેટો ઝડપી છે. ટીમ ઈન્ડિયાના ૨૫૦ રનના જવાબમાં ઓસ્ટ્રેલિયાએ બીજા દિવસે રમતના અંતે  ૮૮ ઓવરમાં ૭ વિકેટના ભોગે ૧૯૧ રન બનાવ્યા છે. ભારતની પ્રથમ ઈનિંગથી હજુ ૫૯ રન પાછળ છે.(૩૭.૧૪)

(3:35 pm IST)
  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST

  • છોટાઉદેપુર ખાતે આવેલી લાંચ રૂશ્વત કચેરી માં ઘરફોડ ચોરી થઈ છેતસ્કરો દરવાજા ના ન્કુચા તોડી ઑફિસ માં પ્રવેશી તીજોરી માંથી 55, 000 રોકડા પાવડર વાળી નોટો લઇ ગયા છેતેમજ ગુનાના કામે વપરાયેલ કવર જેમા લાંચ રૂશ્વત માં પકડાયેલા આરોપી ઓ ના જવાબના કવરો પણ ફાડી ને લઇ ગયા છે access_time 3:56 pm IST

  • અમદાવાદ : મેટ્રો પ્રોજેક્ટના કોન્ટ્રકટરને અપાઈ નોટીસ :છેલ્લા દોઢ મહિનાથી કામ બંધ કર્યું હોવાના કારણે મેટ્રો પ્રોજેક્ટ ઓથોરીટી દ્વારા કામ ફરી શરુ કરવા અપાઈ ચેતવણી :જો તેમ ન કરાય તો કોન્ટ્રાક્ટ રદ્દ કરવા અપાઈ ચેતવણી access_time 3:18 pm IST