Gujarati News

Gujarati News

News of Monday, 7th October 2019

ભારતીય ક્રિકેટ ટીમના ફાસ્ટ બોલર મોહમ્મદ શમીએ ઘાતક બોલિંગ નાખીને દક્ષિણ આફ્રિકાના બેટ્સમેનોનોને ધ્રુજાવી દીધાઃ ડેન પિડ્ટ સેનુરાન મુતુસામીની મોટી ભાગીદારીને સ્ટમ્પ તોડી સમાપ્ત કરી

વિશાખાપટ્ટનમ : ટીમ ઇન્ડિયાએ દક્ષિણ આફ્રિકા સામે ત્રણ ટેસ્ટ મેચની સિરીઝમાં પહેલી મેચમાં શાનદાર જીત મેળવી હતી. આ મેચના પાંચમા દિવસે ભારતીય ફાસ્ટ બોલર મોહમ્મદ શમીએ પોતાની ઘાતક બોલિંગ નાંખતાં એસીએ વીડીસીએ સ્ટેડિયમમાં દક્ષિણ આફ્રિકાના બેટ્સમેનોને ધ્રુજાવી દીધા હતા. દક્ષિણ આફ્રિકાની 9મી વિકેટ માટે ડેન પિડ્ટ સેનુરાન મુતુસામીની મોટી ભાગીદારીને સ્ટમ્પ તોડી સમાપ્ત કરી હતી.

શમીએ ઝડપી મહત્વની ત્રણ વિકેટ

શમીએ મેચના આખરી દિવસે લીધેલી પાંચ વિકેટની મદદથી ભારતે દક્ષિણ આફ્રિકાને બીજી ઇનિંગમાં 191 રનમાં ઓલ આઉટ કરી 203 રનથી મેચ જીતી લીધી હતી. ફાસ્ટ બોલર શમીએ ટેમ્બા બાવુમા, ફાફ ડુ પ્લેસિસ અને પહેલી ઇનિંગમાં સદી કરનાર કિંટન ડી કોકને આઉટ કરી ભારતને જીતના ઉંબરે પહોંચાડ્યું હતું.

છેલ્લે પણ શમીએ કહેર વર્તાવ્યો

પાછલા ક્રમમાં ડેન પિડ્ટે 107 રનમાં 56 રનની ઇનિંગ રમી હતી. તેણે સેનુરાન મુતુસામી (49) સાથે નવમી વિકેટ માટે 91 રનની ભાગીદારી કરી હતી. અહીં પણ શમી ભારત માટે સંકટ મોચક સાબિત થયો હતો અને પિડ્ટને પણ ક્લિન બોલ્ડ કર્યો હતો. પાંચ વિકેટમાંથી શમીએ ચાર તો બોલ્ડ કર્યા હતા.

(5:28 pm IST)
  • ડ્રગ્સ કેસમાં પૂર્વ ધારાસભ્ય ભાવસિંહ રાઠોડના પુત્ર દોષિતઃ ૧૦ વર્ષની સજા : પાટણઃ જિલ્લાના સમી હારીજના પૂર્વ ધારાસભ્ય ભાવસિંહ રાઠોડના પુત્ર કિશોરસિંહ રાઠોડની કરોડો રૂપિયાના ડ્રગ્સ કેસમાં એટીએસએ ધરપકડ કરી હતીઃ ત્યારબાદ આ પ્રકરણમાં કોર્ટે કિશોરસિંહ રાઠોડને દોષિત જાહેર કર્યા છે અને ૧૦ વર્ષની સજા ફટકારી છે access_time 4:22 pm IST

  • મહારાષ્ટ્ર ચૂંટણી પ્રચારમાં ગરમાવો : કોંગ્રેસ અને NCPનો સંયુક્ત ચૂંટણી ઢંઢેરો જાહેર : અમે સત્તા ઉપર આવશું તો મહારાષ્ટ્રના ઉદ્યોગોમાં સ્થાનિક નાગરિકો માટે 80 ટકા અનામત : ખેડૂતોને દેવામાફી ,બેરોજગારોને 5 હજાર રૂપિયા બેકારી ભથ્થું : તમામ માટે વિનામૂલ્યે વીમો : ગ્રેજ્યુએટ સુધીનો અભ્યાસક્રમ મફત access_time 8:25 pm IST

  • પાકિસ્તાની સેનાએ નિયંત્રણ રેખા પહેલા જ રોકી આઝાદી માર્ચ : પીઓકેની રાજધાની મુઝફરાબાદથી શરૂ થયેલી આઝાદી માર્ચ નિયંત્રણ રેખાની નજીક પહોંચી : પાકિસ્તાની સેનાએ છ કિલોમીટર પહેલા રોકી દીધી : માર્ચમાં સામેલ લોકો સવારે ફરી આગળ વધવા મક્કમ :પ્રદર્શનકારીઓ અને સરકાર વચ્ચે વાતચીત નિષ્ફળ : જમ્મુ કાશ્મીર લિબરેશન ફ્રન્ટે બોલાવેલી માર્ચ ત્રણ દિવસ પહેલા મુઝફરાબાદથી શરૂ થઇ હતી access_time 1:03 am IST