Gujarati News

Gujarati News

News of Saturday, 7th July 2018

ટીમ ઇન્ડિયાના ઝડપી બોલરોના કારણે ઇંગ્લેન્ડ સામે ટેસ્ટ સીરીઝમાં જીત મળી શકે છે: રાહુલ દ્રવિડ

નવી દિલ્હી:ભારતીય ક્રિકેટ ટીમના ભૂતપૂર્વ કેપ્ટન અને ઇન્ડિયા-એના કોચ રાહુલ દ્રવિડે જણાવ્યું છે કે, ઇંગ્લેન્ડ સામે ટેસ્ટ સીરીઝમાં ભારતીય ટીમને જીત મળી શકે છે. ટીમ ઇન્ડિયાના ઝડપી બોલરોના કારણે ઇંગ્લેન્ડ સામે ટેસ્ટ સીરીઝમાં જીત મળી શકે છે. 
રાહુલ દ્રવિડ છેલ્લા ભારતીય કેપ્ટન છે જેને વર્ષ ૨૦૦૭ માં ઇંગ્લેન્ડની ધરતી પર ટેસ્ટ સીરીઝમાં જીત પ્રાપ્ત કરી હતી. તેમને તે ટીમની તુલના કરતા જણાવ્યું છે કે, આ ટીમ અને તેમના બોલર લગભગ એક જેવા જ છે. લોકેશ રાહુલે જણાવ્યું છે કે, ટેસ્ટ મેચમાં બોલરોનું મહત્વનું યોગદાન હશે અને તમારે જીત માટે ૨૦ વિકેટની જરૃરત હોય છે. વર્ષ ૨૦૦૭માં અમારી ટીમમાં શાનદાર ઝડપી બોલર રહ્યા હતા અને તે સમયે પણ ભારતીય ટીમમાં એકથી એક ઝડપી બોલર રહ્યા હતા. પરંતુ અમારા બોલરો સંપૂર્ણપણે ફીટ રહેશે તો ભારતની પાસે ટેસ્ટ સીરીઝ જીતવાની તક છે.

(5:07 pm IST)
  • સુરેન્દ્રનગરમાં એ ડિવિઝનમાં ફરજ બજાવતા એએસઆઇ અને એક કોન્સ્ટેબલ રૂપિયા 10 હજારની લાંચ લેતા ACBએ રંગે હાથ ઝડપી પાડ્યા:બંનેએ પ્રોહિબિશનનો ગુનો દાખલ નહીં કરવા માટે લાંચ માગી હતી.:એસીબીના છટકામાં આબાદ સપડાયા access_time 1:32 am IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • મુંબઇમાં ગઇસાંજ થી આખીરાત ઝરમરથી ભારે ઝાપટાઓ વરસ્યા : અનેક વિસ્તારોમાં પાણી ભરાયાઃ નાગપુરમાં ગઇકાલે જોરદાર વરસી ગયા બાદ સાંજથી વરસાદ નથીઃ આજે શાળા-કોલેજો બંધ access_time 1:27 pm IST